Diasabra ultimo e campeonato di 50+ acontinua na tereno di RCA cu 3 wega. E weganan na tereno di Bubali no asigui como cu e tremendo yobida a affecta e condition di e tereno. Na RCA den eprome wega SCA di Paradera a supera Nacional cu e score di 2 pa 1, golnan anota pa Joy Orman y Franklin Fingal, y pa Nacional Sabino Martinez.
E di diezun edicion di Olimpiada Escolar a inicia diaranzon atardi den stadion Guillermo Trinidad na Dakota. Un cantidad grandi di alumnonan di scolnan preparatorio, basico y secundario a bini hunto pa desfila den e ceremonia di apertura. Despues di e desfile, porcierto uno colorido a sigui cu e canto di e himno di Aruba.
Futbolista David Beckham tabata un di esnan cu a yuda colecta e vlam Olimpico 2012 pa Londres, pero hasta Beckham a ser sorprendi pa e tempo na Atenas. E Griegonan a haci joke di esaki bisando; "E tabata pa nos a laga e bishitantenan di London sinti nan mes na cas".
Un tremendo noticia a ser ricibi for di Hulanda, caminda recientemente e conocido organisacion di futbol di Hulanda, esta FC Twente, e firma su prome talent for di Aruba, kende ta e hoben Reynold Webb, kende tabata milita den e organisacion di La Fama.
Aruba Volleyball Association ta organisa diadomingo awor dia 27 di mei 2012, for di 9:00am di mainta te cu 5:00pm di atardi, su 1º Torneo di Beach Volleyball den e categorianan di 2 contra 2 y 4 contra 4 tanto den e clase femenino como masculino. Pa e Torneo di Beach Volleyball di Aruba Volleyball Association (A.V.A.)
Un website deportivo cu sigur a gosa di un enorme popularidad na Aruba y den exterior esta Sport TV Aruba lo bai stop di existi. Informacion cu nos a ricibi ta cu no lo sigui cu e website y dentro di poco lo stop di load e noticianan di deporte ariba e site. Ya algun siman atras rumornan tabata core cu un conocido periodista lo a tuma over tur e equiponan di filmacion di e website, pa e motibo aki no tabata tin live-streaming mas.
Diamars anochi RCA Big Wheel Lottery powered by Powerade a derota Estrella den e forma di mas cruel. Un misil di Steven Melchior den pito ta manda e publiko tri-color halto y e naranjadanan pa porta di salida. Diasabra awo 8pm den CDGT e rivalnan moderno lo topa otro.
Manera cu e managernan di Aruba Center Little League na comienso di e temporada aki a vocifera nan opinion tocante di e combined league entre North y South League den categorianan Junior y Senior, parce cu cosnan ta hermeticamente sera den e caso aki. Aruba Center Little League su manager nan tur ta CONTRA e formacion di NAS (North And South League).
Un di e peloteronan bon conoci na Aruba y tambe na Merca ta cumpli un anja mas di bida awe. Jerrick Francees cu su 5 anja a cuminsa hunga baseball y awe ta cumpli 12 anja. Spotsaruba.com ta desea Jerrick hopi anja mas di bida, cu hopi salud pa e sigi pone e nomber di Aruba na halto ora e hanja e oportunidad di hasi tal.
Despues cu e play off nan a cuminsa siman pasa, awe el a jega na e culminacion ora cu e fuerte equiponan di BSS tanto Yellow y Purple ta topa otro cara den final. E muchanan di BSS Yellow a bai cu e victoria di 14- 2 riba nan rumannan mes di BSS Purple cu ta pertenece na Giants Baseball Organization. E pitcher ganador a resulta Jerrick Francees, y Mariano Decena a bira e pitcher perdedor di e ultimo wega.
Manera cu a keda anuncia recientemente pa Minister di Salubridad Publico y Deporte Dr. Richard Visser, e di dos Conferencia Panamericano riba Obesidad Infantil (PACO II) lo tuma lugar na Aruba riba dianan 15 y 16 di juni na Westin Resort Aruba. Promer cu e conferencia aki, lo bai tin diferente tayer riba tereno di salud, nutricion y actividad fisico.
E atleta di taekwondo, Aischal van der Linde di Brazil Taekwondo Stichting kende a gana un medaya di Oro recientemente na Toronto, Canada a wordo ricibi diamars anochi na nos aeropuerto internacional Rena Beatrix pa nos Minister di Finanzas Ing. Mike de Meza. .
Contrario na tur e rumornan den e ultimo dianan etorno ta kende ta e hungadornan cu lo bini y reforsa algun equipo clasifica den e playoff di futbol Division di Honor, diamars nos por a comproba cu ta e triclornan di Solito, esta RCA so a bini cu e portero estelar di e seleccion di Boneiro y alabez militando den Real Rincon, Rishison Frans.
Locual hopi a puntra nan mes e anochi aki, e pakiko no por a usa un arbitro cu no a ni fluit, ni asisti ningun wega ainda, mientras ta usa uno cu a asisti un dia prome caba? E arbitrahe durante di e wega entre Britannia y La Fama di diaranzon anochi, no tabata fuerte manera tabata e caso un dia prome den e wega di RCA y Estrella.
La Fama ta saca su prome tres puntonan den su wega contra di Britannia, den un wega cu e equipo di Britannia ta caba cu dos hungador menos. Un wega veloz, arbitra pa referee De Windt cu no por a wanta e ritmo di wega dor di ta demasiado leu di hugadanan di infraccion. Hopi a comenta cu e arbitro no tabata consistente y ni consecuente den su manera di arbitra.
E speransa berde di Savaneta, SV La Fama, ta e unico team den playoff cu te ainda no tin un titulo di campeon riba nan nomber. La Fama a promove pa Division di Honor na 2003 y ta bayendo pa su di 8 playoff consecutive loke ta un logro grandi riba su mes. Pero e team di Savaneta tin intenshon nan mas serio e anja aki. E team a cuminsa kere cu esaki por ta e anja cu nan por pone e promer strea riba e camiseta.
E team di SV Britannia ta un equipo cu den e ultimo 10 anjanan a bai tur playoff semi final. E pumanan a sa di saka cara caminda nan a titula 4 biaha campeon, dos biaha sub campeon y algun tercer lugar. Anja pasa e team di Piedra Plat a pasa den un “mid season shake up” ora nan ta corta laso nan cu entrenador Willy Croes y ta pone confiansa den man di Jonathan Lake.
Prome Minister Mike Eman a haci un bishita ayera na e veld di bala di Centro di Bario Ayo. E mandatario a haya un invitacion for di boluntario y majornan di Grasshoppers Baseball Organization cu ta haciendo uso di e facilidad deportivo di e Centro di Bario aki. Na nomber di e organisacion, su presidente Sr. Antoine Kelly algun tempo atras, a manda un carta pa Prome Minister
E Copa Noord ta bayendo bon, tur fin di siman e stadion di Kudawecha ta banana banana di hende kendenan ta mira un tremendo spectaculo cu e mihor sofbolistanan di Aruba ta brinda durante di e torneo. Nos a haya e standing te cu awor y nos por bisa cu e dos equiponan fuerte esta Calabas Blue Jays y Royal Power ta domina e torneo mirando cu ambos ta lidera den nan respectivo poule.
Manera e espectativanan tawata cu e wega entre BSS Yellow y Stars lo a hala basta atencion riba diaranson atardi ora cu e wega lo ser efectua na Ripoldo Croes Ballpark. E momento a jega y e espectaculo a cuminsa, BSS Yellow tawata e equipo visitante y Stars tawata e equipo di Cas.
E semper peligroso Steven Rua un bez mas a demostra pakiko e ta e hungador cu e tiro mas temible den futbol Division di Honor. Cu un solo tiro, porcierto e prome di RCA henter e anochi, e ta duna RCA su prome tres puntonan den e playoff final. Un victoria cu a cai faltando trinta seconde ariba e holoshi pa e wega termina, den un partido bou di nivel y cu tur hende a kere cu e lo keda empata. Apesar di tur cos, e gol a pone tur hende bin bij cu esaki ta e playoffnan final, tur cos ta posibel.
Dialuna atardi a tuma lugar e wega desicivo entre e team cu e lidera e campeonato henter na prome lugar y e otro team cu a clasifica na e posicion 4 cu ta e dos teamnan respectivamente BSS Purple y Covenca. Despues cu awasero a stroba e weganan di weekend, porfin e wega a cuminsa.
Romar Trading cu Arubaanse Voetbal Bond a sera un aliansa pa promove e deporte Rey Voetbal na Aruba. Como cu Concha y Toro a forma un aliansa cu e Voetbal Club prestigioso Manchester United di Inglatera como nan patronizador, Romar Trading a mira e oportunidad pa tambe sera un aliansa cu ABV pa di es manera promove Voetbal na Aruba y na mesun momento su bina Casillero del Diablo.
Den awacero djasabra mainta a tuma inicio un careda contra oloshi riba e highway di Sasaki den sercania di Tropicana Resort. Riba e ruta di 24 kilometer, Joel Dirksz di GO FAST! Cycling Team, kende a regresa algun dia pasa for di Guatemala unda cu e la conquista e di shete puesto den 31 coredor den Panamericano di Ciclismo Juvenil,
.JPG "Read more...")
.jpg "Read more...")
.jpg "Read more...")
.JPG "Read more...")
.JPG "Read more...")
.JPG "Read more...")
.JPG "Read more...")
.JPG "Read more...")
.JPG "Read more...")
.JPG "Read more...")
.JPG "Read more...")
.jpg "Read more...")
