E atletanan di Brazil Taekwondo Stichting a haci un cos na Suriname
den e Congreshal na Paramaribo. Un sala yena cu publico cu a bin pa aprecia e Team Championship. E 5 teamnan ta consisti di 2 team di Frans Guyana, 2 team di Suriname y Aruba. E team di Brazil Taekwondo Stichting a consisti di e siguiente
atletanan; Hakeem Lowe, David Lont, Jendrique Gumbs , Rasheed Lowe y Marc Giel.
Recientemente pa ta exacto 2 di februari 2013 e presidente recien eligi di South Korea Sra. Park Geun-hye durante un reunion cu Jackues Rogge a probecha di e oportunidad pa urgi Jackues Rogge kende ta actual presidente di International Olympic Committee (IOC) pa laga Taekwondo como parti di e programa Olympico na 2020.
Den fin di siman training a sigui manera ta plania pa e team di "Train Hard Fight Smart" di Brazil Taekwondo Stichting na e tennis ball court di Seroe Colorado. E directiva di Brazil Taekwondo Stichting ta hopi satisfecho cu e trainingnan na unda cu e atletanan ta hopi motiva pa e encuentro di dia 16 di februari na Suriname. E premionan na Suriname ta cla caba y tambe nan poster cu e paisnan ariba.
Diasabra mainta e team di "Train Hard Fight Smart" di Brazil Taekwondo Stichting a bay all out cu training na Baby Beach. For di 8'or y mey di mainta e team a cuminsa train cu un meta. Alberto Klabér a habri e buki di victoria y a subi e nivel di training cu un solo meta, pa bin bek Aruba cu e Copa di TK5 cu lo bay ta na Suriname dia 16 di Februari. Suriname y Frans Guyana por conta cu un team di Aruba bon getrain y motiva.
Diasabra mainta e team di Brazil Taekwondo Stichting a train interval na Seroe Colorado den preparacion pa Suriname. Un cos ta sigur, Brazil Taekwondo Stichting ta preparando mas duro dia pa dia pa e Team Championship aki na Suriname.
E Team Championship aki lo bay ta e prome Campeonato Internacional pa e aña aki na unda cu e Team di Brazil Taekwondo Stichting
