STA CRUZ -- Capitan “Digigun” Acosta a spierta un y tur cu nan lo baha brabo e anochi ey pa purba sigura un puesto den semi-final! Diasabra anochi den Trappers Club na Sta. Cruz, e legendario team di Noord, BARRACUDA, a hasi un tremendo intento pa para e racha di victoria di HUT PREDATORS, pero esaki a resulta en vano ya cu n’e momentonan crucial Barracuda ta falta net e “edge” cu Predators tabata tin.
TANKI LEENDERT -- CoorsLight Blackball ta moviendo cu’n intensidad nunca bisto den deporte di billiard na Aruba! Cada siman tin sorpresa ….. Cada siman tin tabla ta bula shonnan!! E siman aki e VIP Pool Room di CENTRO HUBENIL TANKI LEENDERT lo ta scenario di otro dos encuentro super emocionante, cuminsando Diabierna anochi cu’n anochi di “Dog Whisperer” ora cu e dos gang nan di cacho brabo dal morde den otro!!!
EAGLE -- Diabierna anochi a bay excepcionalmente “rustig” den e tempo nan turbulento aki cu CoorsLight Blackball Tour conose, pata pata di emocion y accion. Den nan encuentro contra Wild Shark, Barracuda tabata tin un anochi di pasa pret, cu excepcion di un “blackito” cu ta toka den mariachi cu toch a haya un mordi di tribon mahos!
NOORD -- Diasabra anochi apenas despues cu Jos Kelly a caba di piki tur e resto di tabla nan cu a bula e anochi prome den su lugar, COORSLIGHT BLACKBALL TOUR a conose otro anochi di “thriller” atrobe na “the take it or leave it place” J&J SNACK ora cu e team di cas J&J JAWS topa cu e bachatero nan di playa TUMAZU, kende nan a bin cu’n team desidido pa caba co’!!
.jpg)
 (Custom).JPG)
.jpg)
.jpg)
