| 
SV Britannia Vitamalt Pizza Hut a gana Riverplate 4-2 PDF Print E-mail
Wednesday, 25 March 2015
hous_i.jpg Diasabra ultimo tabata tin continuacion di campoenato di AVB/Subway ora cu SV Britannia Frisian Flag a topa Riverplate den un wega cu expectativa halto, tumando na cuenta cu Riverplate ta bini di un victoria importante ariba Nac/Wash y River kier sigi acumula punto y un SV Britannia MC Printing cu kier tuma lideraso di e tabla di posicion.

  SV Britannia a cuminsa wega cu masha hopi cambio den su alineacion tumando na cuenta e cantidad di lesion cu nan tin den e team.

  Hungadornan di SV Britannia Bright Bakery cu no por a hunga tabata; John Lugay, Juancho Santos, Junel Sanchez, Marlon Andrea, Renier Paraez, Seba Escobar, Stanley Valois y Theric Ruiz. E aliñacion di SV Britannia Vitamalt tabata ta; Kendrick Dania den gol, Luis Murillo, Rodymar Paesch, Pierre Estiverne, Derwin Dontao, Ulises Nuñez, Bene v/d Biezen, Margin Kock, Phedrick Baromeo, Luis Estrada y Marvin Hous.

  Di otro banda Riverplate a cuminsa cu; Carlos Quandt, Eugene Tromp, B. Quandt, Aldrick Conner, Alberto Grovell, Albert Grovell, Bryan Quandt, Anwar Hamadi, Glembert Kock, Willinton Maldonado y Belisario Vallecilla.  E wega mes a cuminsa ariba un nivel hopi abao y tabata parse cu ningun di dos team tabata tin mucho animo pa hunga futbol.

  Tabata na di 24 minut di wega cu Marvin Hous a bai laga defensa di Riverplate y a anota e prome gol di anochi.  No a tarda mucho cu Riverplate a reaciona y a empata e wega pa medio di Albert Grovell na di 34 minuut y na di 44 minuut un biaha mas Albert Grovell a anota pa Riverplate bai ariba 2-1 y asina halftime a bai aden cu un ventaha.

  Den di dos mitar SV Britannia Pizza Hut a hasi algun cambio y a manda Sebastian Montoya Cano y Carl Geerman den tereno y no a tarda mucho cu Carl Geerman pa medio di un cabesaso a empata e wega 2-2 pa su team SV Britannia MC Printings.

  Tabata na di 63 minuut cu Sebastian Montoya Cano a anota pa hasi e wega 3-2 pa SV Britannia Frisian Flag y tabata e propio Sebastian cu a hasi e wega 4-2 na di 72 minuut di wega pa di e forma aki silencia e team di Madiki y asina SV Britannia Bright Bakery a bai cas cu e 3 puntonan.

  Otro cambionan cu SV Britannia Vitamalt a hasi ta: Jean-Marc Farro a drenta na lugar di Marvin Hous, Jean-Claud a drenta na lugar di Luis Estrada y Gino Petrocchi a reemplasa Luis Murillo.  Cu e resultado aki SV Britannia a tuma liderasco di campeonato over cu 33 punto y lo tin cu enfrenta Dep. Nac/Wash Diadomingo awor 29 di Maart y Riverplate mester topa Bubali Diabierna awor.

hous_ii.jpghous_iii.jpghous_iiii.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event