| 
Compleho Deportivo Jose “Buchi Panama” Wever a bira un realidad PDF Print E-mail
Wednesday, 25 March 2015
img_8253.jpg Recientemente un soño tan anhela pa hopi a bira un realidad ora cu e compleho deportivo situa na Yara a haya e nomber di e legendario dirigente di futbol infantil Jose Wever den pueblo conoci como “Buchi Panama”.

Den presencia di varios dignatario, personahenan deportivo, e hoben futbolistanan di e seleccion U-13y invitadonan a desvela e nomber nobo di e compleho deportivo.  A hiba palabra sr. De-Stefano Wernet presidente di stichting Fundacion Lotto pa Deporte, Minister di Deporte, Dr. Alex Schwengle, presidente di AVB, Sr. Richard Dijkhof y e propio Jose “Buchi Panama” Wever.  Loke mas a resalta den tur e discursonan elocuente ta cu Jose Wever merece di tin un stadion na su nomber.

  Pa mas di 29 aña largo, Buchi Panama ta maneha e campeonato di futbol infantil na Aruba y ta encarga cu e seleccion di Aruba U -13, cu pa hopi aña tin su propio torneo internacional di futbol infantil esaki relaciona cu e celebracion di nos Himno y nos Bandera.

  Ya pa algun aña, Pais Aruba cu ta doño di e tereno na Yara y Lotto kende ta maneha e compleho na Yara tabata den tramite pa pasa e tereno y compleho pa Arubaanse Voetbalbond, A.V.B.  Esaki a bira un realidad unda Fundacion Lotto pa Deporte a entrega A.V.B e compleho deportivo pa uzo di un periodo di 30 aña.  

  Mester bisa cu aki e directiva di A.V.B na su turno a decidi di honra Jose “Buchi Panama” Wever door di nombra e compleho deportivo na su nomber.  Mester bisa acerca cu e proyecto aki a bini di e FIFA Goal Project kendenan ta desaroya y financia tipo di proyectonan manera Yara rond mundo.

  Mester bisa cu simbolicamente, Minister di Deporte, dr. Alex Schwengle, presidente di AVB, Sr. Dijkhoff y presidente di Lifida, Sr. Jose Wever a pone e prome piedra cu a la ves ta duna e inicio pa amplia e stadion Yara unda lo construi algun tribuna rond.  Na final tur hende a dal un brindis e ocasion historico aki.

  Cumprando Lotto bo ta contribui na deporte riba nos isla.  Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

img_8449.jpgimg_8328.jpgdsc_0873.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event