| 
Regional Anti-Doping Organisation a duna informacion valioso PDF Print E-mail
Wednesday, 25 March 2015
img_8240.jpg Den e siman tras di lomba, Sra. Tessa Chaderton-Shaw, directora ehecutivo di e Caribbean Regional Anti-Doping Organisation (RADO) tabata na Aruba pa un bishita di trabao.

Durante di Sra. Chaderton su estadia e la reuni cu e diferente stakeholdernan y tambe a duna un presentacion interesante na nos atleta y dirigentenan deportivo cu ta preparando pa e Weganan Panamericano 2015 cu lo tuma luga den luna di Juli na Toronto, Canada.  Banda di esaki tabata tin mas atleta cu tabata kier informacion riba e topico doping y su testnan.

  Mester bisa cu e meta di bishita di Sra. Chaderton tabata mas bien pa orienta, informa riba e funcionamento di RADO y papia riba e reglanan nobo di e World Anti Doping Agency (WADA) cu a drenta na vigor entrante Januari 2015 y su consecuencianan.  Tambe a splica riba e procedura di pruebanan di doping.

  Diahuebs atardi a reuni cu prensa deportivo y prensa di COA caminda a intercambia idea con pa conscientisa nos atletanan local riba e peliger di uzo di dopahe den deporte.  Manera Sra. Chaderton a bisa cu ta bon pa nos atletanan ta na haltura di tur e regla y exigencianan nobo di WADA, pero tambe mustra cada un di nan riba e derecho cu nan tini den e procedura di control.  Pa nan sa con esaki ta bay ora nan wordo pidi pa bay controla.  E informacion aki ta hopi importante tambe pa dirigente y chaperonnan.  Algo cu sigur a resalta ta cu e propio atleta ta keda responsabel pa loke e ta hinka den su curpa.  Es mas, den e WADA code nobo esnan cerca di atleta pues e athlete support personel (dokter, masahista, entrenador, ect) TAMBE por wordo sanciona ora cu un di nan atletanan uza doping.

  Segun Sra. Chaderton e uzo den Caribe no ta asina extremo, mirando cu den su añanan cu e ta traha cu RADO ta algun biaha so e uzo di dopahe bao di e atletanan di Caribe a tuma lugar.  E procedura di e testnan ta uno basa riba regla internacional ya ta trece su gastonan cu ne.  Mas cu claro ta purba di conscientisa tur atleta pa no uza dopahe y practica e deporte mas limpi y honesto cu ta posibel, esaki ta e berdadero grandesa di un atleta cu ta traha duro pa e yega su meta. “Fenomeno” manera Lance Armstrong, cu pa hopi aña a burla di e sistema haciendo uzo di dopahe ta keda dificil pa detecta, pero a lo largo e mester a paga caro pa esaki caminda mundo henter a condene pa e acto bergonsoso aki.  Un suplica a bay na e mayornan pa papia cu nan yiunan y siña nan cu deporte mester wordo haci di un manera limpi, esta cumpliendo cu reglanan di etica.  No tin nada mas dushi logra bo meta trahando duro sin mester di haci uzo di dopahe.

img_8246.jpgimg_8540.jpgimg_8564.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event