Beach Tennis ya no ta un deporte no conoci na
Aruba. Mas y mas por nota cara nan nobo cu ta yegando Tropicana pa purba e
deporte cu mas ta creciendo rond di mundo.
E bunita di e deporte aki ta cu e por
wordo practica den un grupo di amigo, bo so of tambe den seno di famia.
Durante
henter aña Aruba Beach Tennis ta organisa un liga cu ta dura mas o menos 2 luna
y mei. E wega nan ta tuma lugar dependiendo
den ki categoria bo ta inscribe bo mes. Pa splica un tiki, Dialuna tin Singles,
Diamars ta Ladies only dus tin e weganan di Ladies Doubles. Diaranson tin e weganan di Mix Doubles y
Diahuebs tin Men Doubles. E weganan ta
cuminsa 5or di atardi y e ultimo riba schema ta cuminsa 9or di anochi.
Dia 30 Maart e “Spring League” ta cla pa cuminsa. Ya por conta cu basta ekipo cu ya a registra:
Advanced Men 1 doubles: 9 ekipo
Advanced men 1 singles: 8 participante
Advanced men 2 doubles: 7 ekipo
Advanced men 2 singles: 9 participante
Advanced men 3 doubles: 5 ekipo
Advanced men 4 doubles: 8 ekipo
Advanced mix doubles: 12 ekipo
Advanced women 1 doubles: 11 ekipo
Advanced women 2 doubles: 12 ekipo
Advanced women 3 doubles: 11 ekipo
Advanced women singles: 9 participante y
asina aki por sigi menciona cada nivel den cual un persona por inscribi su mes.
En total tin mas cu 150 ekipo y mas cu
400 participante.
Aruba
Beach Tennis kier a informa tur hende cu ainda kier participa den e liga cu ta
cuminsa dia 30 pa inscribi awe ainda. Por hasi esaki den tur nivel: Fun,
Intermediate, Advanced y Pro. Si bo no
ta sigur y kier sigi train of pasa pa purba kiko ta pa por practica Beach
Tennis, nos ta invita bo pasa na Tropicana Beach Tennis Club (banda di La
Cabana). Pa mas
informacion tambe por bishita e website www.beachtennisaruba.com
|