| 
Fundraising Bingo di Boegoeroei Athletics lo ta 11 di April 2015 na Club Caiquetio PDF Print E-mail
Tuesday, 07 April 2015
267918_102308529864861_1562423_n.jpg  Tur cos ta canando biento en popa pa e tremendo Fundraising Bingo di Boegoeroei Athletics Sports Organization cu ta priminti di bira grandi Diasabra 11 di April 2015.  Cumpra bo kaartchie sea los Afls 10,- pa ticket of buki completo di 10 ticket pa solamente 100 florin y bo ta hanja un ticket free tambe den cada buki. Premionan grandi por wordo gana e dia anochi aki caminda e full card lo ta 2000 florin cash den bo man. Na total lo wordo hunga 10 wega y despues di 5 wega lo tin un pause caminda tremendo doorprizes nan lo wordo saka entre otro un gift certificate di Giselle Boutique, un basket di Manrique Capriles, Dinner vouchers di Buccaneer & Flying Fishbone, Dinner for 2 na Texas de Brazil, Sunset Cruise for 2 di De Palm Tours, Breakfast Buffet certificate na Ricardos den Aruba Beach Club, Breakfast voucher di Peanuts Restaurant, Dinner di Le petit Café y mucho mas. Durante e Bingo lo tin bendemento di lotjes solamente 5 florin caminda bo por gana 5 premio fabuloso. Un tv flatscreen 32inch, Un weekend Stay na y cortesia di Playa Linda Beach Resort, Un pasashi ida y vuelta pa Guyana cortesia di Insel Air, Un dinner for 2 cortesia di Madam Jeanette y di 5 premio un cellular Lg cortesia di MIO Wireless. Asina ta bo mester por Sali cu un premio for di Club Caiquetio. Tur miembro di Boegoeroei Athletics Softball, Domino y Bowling team tin tickets pa bende. Si bo kier pa nos deliver un of mas buki pabo tuma contacto cu e numbernan di telefoon aki 6002202 y 5620848 y nos lo zorg pa bo hanja bo buki of bukinan di Bingo. Un danki grandi ta bay na tur comerciante, hendenan individual y tur miembro di organization y otro colaboradornan cu a bende y ta bendiendo un buki of mas pa yuda nos organization. Corda hiba Mamai, Tanta, Prima, Bisinja y Amigonan hunga Bingo y pasa un rato agradabel caminda mas cu claro e bar y cushina lo ta bon surti. Un danki special tambe ta bay na tur comerciante na Aruba cu a yuda cu un premio pa rifa como Doorprize. Den un otro relato nos lo gradici tur sin lubida ningun. Yega Club Caiquetio dia 11 di April pasobra esaki ta e Bingo cu mas premio cu a wordo organiza den historia na Aruba. Nos ta sigur cu bo ta Sali cu un premio garantisa y si bo no gana nada mes nos ta sigur cu bo lo pasa un anochi agradabel cu bon ambiente. Asina ta hinca e fecha den bo agenda Diasabra 11 di April y grita Bingooooo. 
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event