| 
Quincy Breell condecora como Good Will Ambassador di Digicel PDF Print E-mail
Tuesday, 14 April 2015
quincy_breell.jpg Digicel Aruba, un biaha mas ta duna sosten na deportistanan y e biaha aki ta keda cerca di cas, dor di aporta na adelanto y sosten di su propio trahado Quincy Breell. 

Quincy no ta un desconoci den e mundo di deporte, e ta poseedo di record nacional desde 2013 den Horizontal Jump, cu un record impresionante di 7.50 meter. 

Quincy Breell  lo ta den preparacion pa "Juegos Panamericanos" na Toronto, Canada na Juli.  Den su carera e la termina na di tres luga durante e Campeonato Nacional na Hulanda.  El a conkista e premio maximo na Cartagena y a termina na di 7 luga for di 18 participante durante e campeonato CAC Mexico. 

  Actualmente e atleta ta den preparacion intensivo bao di guia di un Elite Coach pa su participacion e aña aki na e Weganan Panamericano na Toronto, Canada. Esaki lo ta e trampolin pa yega na clasificacion pa e proximo weganan olimpico.

 Digicel ta orguyoso di tin Quincy Breell como embahador di Digicel y ta deseo di Digicel Aruba pa por conta cu mas di e atletanan aki den su portofolio, yudando asina y aportando na Aruba su deporte y su bienestar.

  Quincy Breell lo ta biahando pa Florida y lo permanece den training intensivo pa e cualificacionnan den Juli. Digicel Aruba ta desea Quincy Breell tur clase di exito, nos ta orguyoso di bo logronan.
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event