| 
International School of Aruba ta bay pa Weganan Interinsular na Corsou PDF Print E-mail
Thursday, 16 April 2015
international_school_of_aruba.jpg Despues di a titula campeon di futbol mucha muher den e competencia escolar cu IBiSA a organisa entre e schoolnan di Enseñansa Basico den luna di november 2014

E team di International School of Aruba a sigui entrena y prepara pa e reto nan dilanti cu ta representa Aruba den e competencia di futbol di “Weganan Interinsular” 2015 na unda cu nan tin cu enfrenta schoolnan di Boneiro y di Corsou. 

  Ya ta asina leu y e team ta cla pa biaha Diabierna awor.  Delegacion di futbol di International School ta consisti di e hungadornan: Maya Charley, Enzi Broussard, Yori Broussard, Sharda Delgado, Jesseline Diaz, Vita-Maria Juliao Toral, Angelina Bardi, Dominique Lopez, Indigo Knights y Valeria Fanianos Pino.  Coachnan pa International School of Aruba cu tambe ta biaha ta: Stephen Lee y Elena Musto.  Sra. Mildred Wever ta e coordinador di IBiSA encarga cu e team di futbol di Aruba.

  Diabierna atardi ta tuma lugar e desfile di apertura cu e schoolnan participando di Aruba, Boneiro y Corsou.  Riba diabierna caba tin weganan programa, cual e prome ta tuma lugar pa 2:30 p.m. y ta entre e team di Corsou Kolegio Don Sarto y e team di Boneiro Kolegio Kristo Bon Wardador. International School of Aruba ta programa pa hunga contra di e otro team di Corsou cu ta Mon. Wim Ellis College pa 3:30 p.m.

  Riba diasabra e weganan ta cuminsa pa 10”or di mainta y aki International School of Aruba ta subi cancha pa hunga contra Kolegio Kristo Bon Wardador di Boneiro.  Pa 11”or di mainta e teamnan di Corsou ta enfrenta otro.  Despues ta tuma un descanso y ta lunch den grupo, pa despues di merdia e weganan continua.

  E prome wega merdia ta pa 2:00 p.m. y ta entre Mon. Wim Ellis College di Corsou y Kolegio Kristo Bon Wardador di Boneiro.  Pa 3:00 p.m. Kolegio Don Sarto di Corsou ta hunga contra di International School of Aruba.  Esaki ta e schedule di e weganan cu ta tuma lugar den fin di siman na Corsou.  Tur wega di futbol ta wordo hunga na Stadion di VESTA na Sta. Maria. Diasabra atardi mes ta tuma lugar e ceremonia di clausura y entregamento di premio na e ganadornan.

  IBiSA ta desea e team campeon di futbol mucha muher International School of Aruba tur clase di exito den nan weganan na Corsou, y cu nan por trece medaya y trofeo pa Aruba.

p1110722.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event