| 
SV Deportivo Arikok cu Torneo di Fli "Back Off 1st Edition" 1, 2 y 3 Mei 2015 PDF Print E-mail
Thursday, 16 April 2015
4278247037_93bc38a44c_z.jpg Directiva di SV Deportivo Arikok kier a partcipa na pueblo di Aruba cu nos ta organisando un Fundraising Event cual lo ta un competencia di Fli.

E competencia di FLi lo tuma lugar ariba dianan 1, 2 y 3 di Mei 2015 ariba e feld di Ex-Bluestars awor pertenciendo na Aruba Tigers Organisation.

  Directiva ta sumamente entusiasma pa cu e realisacion di evento aki den Sta Cruz mirando cu pa basta tempo competencia di Fli a bai ta disparciendo poco poco.  Directiva kier a invita pueblo di Aruba hente na e nos torneo.  Lo bai tin un Premio Grandi Cash, esaki pa e categoria di mas grandi cual ta e famoso categoria (F) di flinan grandi.

  Ariba e promer dia 1 Mei 2015 nan lo ta cuminsando for di 9:00 a.m te cu 12:00 p.m, e dia aki categoria A & B lo ta on.  Categoria (A) 0.50 m -1.00 m  y ( B) 1.05 m-1.50 m.  Despues di 6:30 p.m ta prepara pa e Flinan di Luz cu lo bai te cu oranan laat di anochi.  Directiva kier a pidi tur hende cu kier traha un Fli di luz pa haci esaki, ta bai tin premionan atractivo.

  Ariba e di dos dia cual ta 2 di  Mei 2015 lo tin categorianan (C & D) cual nan ta fli di Categoria (C):1.55 m - 2.00 m y (D) 2.05 m - 2.80 m.

  E di tres y ultimo dia ay ay ay esaki ta e dia cu bo mester zorg pa po tey . Cos ta bai bira Cayentee!  E categoria E & F lo ta bai ta Hot!  Den Categoria (E) 3.00 m-3.75 m y lo ta pagando abo como Ganador Afl. 400,- Cash y “awor te cos!” Categoria (F) 4.00 m - 6.00 m, e categoria cu ta take it or leave it, abo dicidi pasobra e premio ta bai ta “Gordo Gordo” AFL. 1500,- Cash.  Traha bo Fli y trece pa e pusta, directiva ta wardabo sin falta. 

  Pa tur cu kier inscribi por yama pa informa tocante e fechanan di inscripcion na Cell: 5647521-5660079 pa inscribi bo Fli.
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event