| 
Competencia di Handbal Escolar a cuminsa pa Sector Noord PDF Print E-mail
Saturday, 18 April 2015
4.jpg E siman aki a inicia den Centro Deportivo Libertador Betico Croes na Santa Cruz e competencia di Handbal Escolar pa schoolnan di Enseñansa Basico.

E weganan ta wordo hunga den e categoria mix y tur wega ta wordo organisa y coordina pa Departamento Escolar di IBiSA.

  E prome wega di diamars atardi tabata entre e team di School Preparatorio Kudawecha y esun di St. Dominicus College. Den e wega aki, e muchanan di School Preparatorio Kudawecha ta sali activo y rapidamente ta anota riba hugadanan pa sigura un victoria. Na final di e tempo reglamentario e wega ta caba na nan fabor cu e score di 3 pa 1.

  Den e di dos wega ta enfrenta otro e muchanan di School Basico Washington y esnan di St. Aloysius School. Den un wega di hopi accion y movecion, e muchanan di School Basico  Washington ta logra bay cu e victoria cu e score di 5 - 0.

  E ultimo wega di atardi tabata entre School Preparatorio Kudawecha y St. Anna School. For di inicio di e wega, e muchanan di St. Anna School a demostra e positivismo pa  nan team y den hungadanan lihe ta logra haci nan anotacionnan. E wega ta finalisa cu victoria di 4 pa 2 na fabor di e muchanan di St. Anna School.

  Diaranson atardi e weganan a continua, y den e prome wega a midi forsa e team di St. Dominicus College contra esun di St. Anna School. Un biaha mas, e muchanan di St. Anna School ta subi cancha cu caracter ganador y ta demostra esaki tambe den nan hugadanan. Convincentemente nan ta logra e victoria cu score di 4 pa 0.

E di dos wega a bay entre e team di School Preparatorio Kudawecha y e team di School Basico Washington. E muchanan di School Preparatorio Kudawecha a subi cancha decidido pa gana y ta hunga cu siguransa y na ta bay cu e victoria di 4 pa 1.

Un di tres wega ta wordo hunga y esaki tabata entre e muchanan di St. Dominicus College contra e muchanan di St. Aloysius School. Cu hopi rapidez e wega ta desaroya na fabor di St. Dominicus College cu ta gana cu e score di 5-0.

E ultimo wega di diaranson atardi tabata entre e team di School Basico Washington y e team di St. Anna School. Ambos team a demostra cu animo di kier gana e wega. Pero e muchanan di St. Anna School no a laga ningun duda atras y ta demostra cu nan tin un ekipo basta fuerte di handbal pa e competencia escolar di e aña aki. Asina nan a sigura e victoria diaranson cu e score final di 7 pa 2.

  IBiSA ta invita alumno, maestro y mayornan di e schoolnan cu ta participa na e competencia di Handbal Escolar,  pa bin apoya e muchanan cu ta representa nan school. E weganan ta yen di accion y bon anima. Despues di Sector Noord ta hunga e otro sectornan pa mira cua ta e schoolnan cu ta clasifica pa bay e Final Nacional di Handbal Escolar organisa pa IBiSA.

1.jpg2.jpg5.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event