| 
Guardian Group Fatum ta felicita e team masculino #1 den categoria bao di 120 aņa na Ronde van Aruba PDF Print E-mail
Saturday, 18 April 2015
null.jpg Durante e anochi di 10 April 2015 pa e marduga di 11 di April 2015 a tuma lugar pa di 23 biaha e Ronde van Aruba.

  Guardian Group Fatum no solamente tabata un di e sponsornan di e exitoso evento deportivo aki, pero tambe a cosecha exito cu e team ganado masculino den e categoria di bou 120 aña. Pa e motibo aki Guardian Group Fatum kier felicita su organisadonan y e team masculino ganado.  E team aki a consisti di Lucien Dirksz, Michaello Benjamin Martilia, Dillon Willems y Justice Dreischor, hunto nan ta cera 110 aña y naturalmente nan coach Glennon Eights.

  Pa 10:45 p.m e prome participante a sali y esaki a continua cada 2 minuut. Tabata tin coredo cu a participa nan so, otro den duo y esun mas comun ta esun di 4 persona.  En total e participantenan mester a core 75 Km.

  E team ganado masculino bou 120 aña a sali pa exactamente 1 or di mardruga y a logra di termina e careda den menos di 5 ora (4:59:21).  E team aki a conta cu e vision y perseverancia di nan coach Glennon, e experiencia di Lucien, e energia hubenil di Michaĕllo, Dillon y Justice y sigur cu e apoyo 100% di Guardian Group Fatum.

  Lucien no ta un deportista desconoci den nos comunidad, e tin un gran experiencia den diferente area deportivo, unda cu e la yega di gana hopi premio nacional y internacional.  E resto di e miembronan tambe ta deportistanan activo den nos comunidad.  Nan ta di edadnan mas jong y sigur nos por spera hopi mas di nan.  Justice cu ta esun di mas jong ta preparando caba pa su siguiente prestacion den exterior.  Tur e atletanan y coach ta miembro di Aruba Triatlon Association cual Guardian Group Fatum ta sponsor henter aña.

  Guardian Group Fatum semper  ta  cla pa apoya nos deportistanan local. Durante e evento aki nan a mira e necesidad di mira nos atletanan cumpli nan metanan y triunfa, y sigur nan no kier a keda afo.

  Un apoyo grandi tambe ta e coach, e chofer y su copiloto como tambe e mama di Justice.  Tur tabata apoya e atletanan durante henter e ruta.

  E coach Glennon tabata tin un vision y strategia claro pa e atletanan: Yega final bao di 5 ora.

  Cada vehiculo nan dilanti tabata un meta individual, cada biaha cu nan a pasa un vehiculo nan a cumpli un meta.

  Sigur cu e ultimo 10 minuut tabata esunnan di mas duro, pero esun di mas satisfactorio.

  Guardian Group Fatum ta hopi orguyoso di team di hoben masculino aki y ta desea nan tur exito pa cualkier meta cu nan pone den nan caminda.  Tambe Guardian Group ta felicita tur e otro participantenan y ganadornan den nan categoria di participacion.

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event