| 
Digicel Aruba ta apoya nos atletanan special rumbo pa Los Angeles 2015 PDF Print E-mail
Tuesday, 21 April 2015
dsc_6919_custom.jpg Un biaha mas Digicel ta sostene Special Olympic World Games 2015, den cual e ekipo di Aruba tambe ta participa desde hopi aña caba.

  Digicel hunto cu Special Olympics Aruba a organisa un concierto riba Freewinds riba Diasabra ultimo y a resulta exitoso.

  Un gran fanaticada di e musiconan y cantantenan y tambe famia y amistadnan di e atletanan a uni hunto pa presencia e concierto “In the Winds”.  Cantantenan popular manera Ron Martis, Jerrino Bass Ridderstap, Miguel Genser, Gabriela Krozendijk, Ester Santos Do Nascimento, Ataniro, Bradley Versprey, Rey di Soca y Mark Gonzalez e talentoso cantante special a deleita tur presente cu un repertorio digno di un concierto.

  Un pabien grandi ta bai na nos musicantenan: Chris Kross, Diego Henriquez, Jeandre Hessen, Julius Martinus y Omar Kock, tur bao direccion di e conocido musico Danny Koolman.

  Grupo di baile Popcorn Dancers tambe a aporta den celebracion di nan 20 aña di existencia.  Un pabien tambe pa e bunita presentacion di e maestra di ceremonia Jennyree Geerman.

  Digicel ta asisti e 30 atletanan cu ta participa na Special Olympic Games 2015 na Los Angeles, tanto cu fondo y cu eventonan pa recauda e fondonan, pero tambe cu boluntario y fanaticonan pa anima nos atletanan.  E deportistanan a keda hopi contento cu e sosten y apoyo increibel di comunidad di Aruba cu a asisti na e anochi maraviyoso aki.
  Un pabien grandi ta bay na e miembro nan di Directiva di Special Olympics Aruba cu a traha duro pa realisa e proyecto aki, en especial Juendel Sprok y Netty Williams.  Un danki grandi tambe ta bay pa Freewinds, cua a contribui cu tur cos y na un forma amabel a sirbi e publico.

  Digicel Aruba ta yama tur esunnan cu a participa y e comunidad cu ta respalda e atletanan masha Danki.  E preparacionnan di e atletanan ta sigui.  Nos atletanan lo participa den  practicanan di Bolas Criollas, Landamento, Futbol, Badminton, Atletismo, Ping Pong y Bowling.

  Digicel ta satisfecho y contento di por ta entre esunnan cu ta contribui cu e instancia valioso aki.

dsc_6734_custom.jpgdsc_6754_custom.jpgdsc_6771_custom.jpgdsc_6784_custom.jpgdsc_6845_custom.jpgdsc_6854_custom.jpgdsc_6953_custom.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event