| 
Boxeo den forma di fitness pa mucha? PDF Print E-mail
Thursday, 23 April 2015
boxeo_2.jpg ARUBOX, e federación di boxeo di Aruba, ta cuminsa duna entrenamento di boxeo pa mucha.

Bao auspicio di e propio presidente di boxeo di Aruba, Sr. Marco Dupersoy hunto cu entrenadornan cu experiencia.  Ta bay duna e training di boxeo como fitness pa mucha di edad entre 6 pa 18 aña. 

  Ora papia di boxeo como fitness, kiermen cu e mucha ta bin practica e deporte di boxeo como un entrenamento pa su condision físico, claro cu e ta bay siña hopi movecion di boxeo y tambe con pa tira su mannan pero tur esaki sin contacto físico entre e mucha y su oponente.

  Mientras tanto despues di algun tempo cu e mucha ta desaroya positivo, e por wordo poni den un categoria mas competitivo, cu aprobacion di su mayornan. 

 

Seguransa pa e mayor y su yiu.

  Semper ta bon, promer cu un mayor firma pa su yiu drenta den un programa asina di boxeo, e mayor mester por haya e aseguransa promer si e trainer of club di boxeo cu su yiu ta bay afilia na dje ta un organisacion oficial di e deporte encuestion cu entrenador certifica y/of cu hopi experiencia, pasobra un club of un persona cu ta duna entrenamento di boxeo mester por tin precuacion / seguridad di e mucha na promer lugar. 

  Tambe ta e intención den futuro cercano, cu e asociacion di Boxeo di Aruba lo busca talentonan den e deporte aki, pa asina un dia bira un gran boxdo cu lo por representa su país.

  Presidente di Boxeo ARUBOX , Sr. Marco Dupersoy mes ta bay duna entrenamento na Sport Centrum San Nicolas IBiSA dianan Dialuna y Diaranson di 4:30 p.m pa 6:00 p.m pa mucha te 13 aña y riba Diamars y Diahuebs di 7:00 p.m pa 9:00 p.m pa esnan mas grandi te cu 18 aña.  Pa mas informacion por yama Sr. Dupersoy na cell.738-3556 of 5848903.

boxeo_1.jpgboxeo_4.jpgboxeo_7.jpg 
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event