| 
Lotto ta felicita e atletanan infantil di Triatlon PDF Print E-mail
Thursday, 23 April 2015
kids_1.jpg Nos atletanan infantil den e deporte di triatlon a haci un tremendo papel den e competencia di Ennia Kids Triatlon tenI recientemente na e isla di Corsou.

 E cuater atletanan prometedor aki a sa na triunfa cu tres medaya di oro y un di brons den e tres categorianan disponibel. E seleccion infantil bao guia di coachnan Eights y Hill a haci un tremendo papel den tur tres disciplina, tanto den landamento, core bicicleta y core na pia nos atletanan a domina esakinan cu facilidad.

  E atletanan cu a logra triunfa cu medaya di Oro tabata Chrisiaan Jansen kende a logra e prome lugar den e categoria 6 - 8 aña.  E hobencito Justin Morales tambe a logra un prome lugar den e categoria di 9-11 aña, mientras e hobencito Giannon Eights tambe no a keda atras y logra triunfa cu un prome lugar den e categoria di 12-14 aña.  Aki tambe e hobencito Decan Tham a logra un di tres lugar y un medaya di brons.

  Un palabra di pabien sigur na e federacion di Aruba Triathlon Association como tambe na e coachnan Glennon Eights y Anthony Hill.  Dentro di algun aña sigur nos lo tende mas di e cuater hobennan aki den e deporte di triatlon.  Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e atletanan infantil di triatlon pa e competencia di Ennia Kids Triatlon na Corsou.

  Cumprando weganan di Lotto, e Loteria di Aruba bo ta contribui na deporte riba nos isla.  Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

kids_2.jpgkids_3.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event