| 
WEMA ITF G4 Beach Tennis Ranking Tournament PDF Print E-mail
Thursday, 23 April 2015
10641175_652367491549081_2659723334257297893_n.jpg Manera ya ta un custumer, e ultimo weekend di luna, Aruba Beach Tennis ta organisa su ITF G4 Beach Tennis Ranking Tournament.

  Diferente cu e prome nan e weekend aki e lo tuma lugar na Eagle Beach.  Set up lo ta manera semper, tent pa un y tur por bin sinta den fresco y disfruta di e evento, bar y cushina bon surti.  Musica sigur lo no falta.

  E programa lo cuminsa Diabierna 24 di April na Tropicana Beach Tennis Club cu e partidonan di singles den e categoria di adulto.  Esaki ta for di 6 p.m – 10 p.m. Diasabra 25 di April e torneo lo sigi na Eagle Beach cuminsando di 10or di mainta.   

  E prome ronde di womens doubles lo start sali y pa 11or tin e prome ronde di hende homber.  Pa 1or p.m lo cuminsa cu e partidonan di mix doubles como tambe e youth doubles tournament (bao di 16 aña).  Ta algo hopi particular pa wak con e hobennan aki, algun apenas cu a cuminsa un par di luna atras, bataya pa gana e titulo maximo.

  Diadomingo 26 di April lo cuminsa desde 9or mainta cu e ultimo rondenan di e womens doubles y mens doubles.  Asina aki lo sigi te ora yega na e wega final cu ta premira di bira rond di 5or atardi.  E ultimo dia pa por inscribi ta Diahuebs 23 di April 2015.  Por hasi esaki via di http://www.beachtennisaruba.com/tournaments/35#register

  Aruba Beach Tennis kier a invita tur hende cu ainda no conoce e deporte aki pa pasa riba un di e fechanan menciona y mira pa boso mes.
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event