| 
Sarah-Quita Offringa a gana prome evento di Slalom na Sur Corea PDF Print E-mail
Saturday, 09 May 2015
sarah_quita_2.jpg Biento na abundancia manera nos ta presencia e dianan aki na Aruba no tabata tin na Sur Corea durante 4 dia pa por duna inicio na e prome evento di Slalom di e PWA Tour 2015.

Finalmente ariba e di cinco y di seis dia di e evento, biento a lanta y a permiti pa completa 4 eliminacion.  Despues di 2 careda Sarah-Quita y Fulya Unlu di Turkia a empata na prome lugar, sin embargo e regla di Slalom pa kibra empate ta cu e regatista cu gana e ultimo careda ta wordo otorga e Victoria, di e manera aki Sarah-Quita a lidera e ranking.

  Su siguiente dia un tercer careda a tuma lugar unda Lena Erdil di Turkia a gana e careda aki y supuestamente e evento tambe cu a causa cu Sarah-Quita ta na segundo lugar awor, como cu e diferencia den puntuahe ta 0.3 entre e top tres regatista femenino.  Lena, Fulya y Sarah-Quita cada biaha tabata alterna como lider.  Lena Erdil no por canta Gloria ainda como cu e biento a keda supla y e director di careda a opta pa core un di cuater careda.  E di cuater careda tabata un prueba definitivo di forsa.  E bataya fuerte tabata entre Lena Erdil y Sarah-Quita como cu un di nan por a titula campeon di e prome evento di Slalom di 2015.   

Sin embargo desde comienso te fin tabata Offringa cu ta marca paso di e ultimo careda y a extende su bentaha ariba su contrincante mas y mas ken a mira su speransa pa gana e evento disparce dilanti su wowo na di tres lugar den e ultimo careda.  E comentario consecuentemente ta cu “Offringa su prome posicion den e flota di regatista nunca tabata core peliger y e Arubiano a crusa e liña final no solamente como ganado di e manga, pero tambe di e evento.”

  Por mira e ultimo careda na www.pwaworldtour.com, pwa facebook

sarah_quita_1.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event