| 
Pre-seleccion di BMX 11 – 12 aña lo competi den e Florida Cup Series na Cape CoralPre-seleccion di B PDF Print E-mail
Saturday, 09 May 2015
bmx.jpg Den e fin di siman benidero, un pre-seleccion den e deporte di ciclismo BMX edad 11 – 12 aña lo competi den e asina yama Florida Cup Series Qualifiers.

E competencia internacional aki lo ta e dianan 8, 9 y 10 di Mei y lo tuma lugar riba e pistanan di Cape Coral, Florida, Estados Unidos.

  E hobennan Erison Quandt, Zyqion Soekandar y Akash Solognier lo ta e representantenan di Aruba den e competencia di BMX.  Hunto cu nan lo biaha tambe nan coach Brian Elisabeth.  Ta bon pa bisa acerca cu e dos coredonan elite Zaythiel Soekandar y Feddison Flanders hunto cu coach Pedro Estaba tambe lo participa na e evento di Bike Cross na Merca.

  Pa varios aña e deporte di BMX y nan atletanan sigur ta un di esnan cu mihor resultado a logra pa Aruba den e diferente competencianan internacional, esaki tanto den Caribe, Merca y Europa.  Un muestra di disciplina y dedicacion pa asina logra realisa e metanan poni.

  Ya for di un edad relativamente hoben, e atletanan ta participa na eventonan internacional, un forma di gana experencia y bira un mihor coredo di Bike Cross posibel.

  Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e pre-seleccion di BMX pa nan competencia na Cape Coral, Florida.

  Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event