| 
Ganadornan absoluto di 55th Aruba International 10K Boulevard Race PDF Print E-mail
Saturday, 09 May 2015
11174520_1103104903036785_2736584593450558726_o.jpg Ariba celebracion di dia di Rey a tuma lugar e di 55 edicion di Aruba International 10 K Boulevard Race cu un biaha mas tabata un exito rotundo.

Pa e careda aki tabata tin mas cu 600 participante cu a inscribi. Sr. Harry Janssen cu e persona cu a inicia e careda aki 55 aña pasa, a tira e start schot pa inicia e careda aki pa exactamente 5:30 di atardi.

  Por a mira un cantidad grandi di publico para canto di caminda ariba henter e ruta cu a bin wak e careda aki y duna apoyo na tur e participantenan.  Na final tur participante a ricibi nan medaya di participacion y tambe dushi fruta y gatorade pa recupera despues di un tremendo careda.

  Ganador categoria overall cabayero: 1. Ronald Staring, 2. Jean Andrew Fingal, 3. Renze Posma.

 Den categoria overall damas: 1. Merienne Stamper 2. Mileydis Verdecia 3. Jacqueline Mc Garvey di USA.

  Un reconocimento special tambe a wordo entrega na sr. Hary Janssen cu ta e persona cu a inicia cu e careda aki 55 aña pasa, el a ricibi un bunita plakaat como aprecio di no solamente pa e careda aki pero tambe pa ta e fundador di Arubaanse Atletiek Bond.  Sr. Janssen a dedica mas cu 4 decada di su bida na e deporte di Atlestismo cu hopi amor y pasion.  Cu esaki directiva di ARRUWAC ta gradici sr Janssen pa tur e añanan cu e la dedica na Boulevard Race y na Arubaanse Atletiek Bond. 

  E di 55 edicion di e Aruba International 10 Km Boulevard Race no por a wordo realisa sin un grupo grandi di voluntario cu a bin yuda cu diferente tareanan.

  Directiva di ARRUWAC kier a hasi uso di oportunidad pa gradici tur e patrosinador nan cu a hasi e evento aki posibel.  Sin ayudo di tur e instancianan y voluntarionan y patrosinadornan, e evento aki no tabata posibel, pero hopi importante ta tur esnan cu a inscribi pa partisipa na e grandioso evento aki.  Danki na tur cu a hasi e 55th Aruba International Boulevard 10 Km Race aki un exito rotundo.  Otro aña ta spera cu por conta cu e mesun bon sosten pa asina e evento aki por crese cada aña mas y mas, tanto pa partisipantenan local y internacional.

11092151_1562502034011289_3012818498557777504_n.jpg11178243_1562501727344653_8741943485553660376_n.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event