| 
IBISA y COA ta celebra Olympic Day 2015 PDF Print E-mail
Friday, 29 May 2015
olimpic_day_1.jpg Poco poco nos ta yegando na final di otro aña escolar y cune tambe e final di tur competencia den deporte escolar organisa pa IBiSA.  Den luna di juni ta tuma lugar e ultimo actividad programa riba calendario di competencia escolar. Esaki ta bira e careda di 1, 2 y 3 kilometer pa muchanan di schoolnan di Enseñansa Basico.      

 

E aña aki IBiSA ta join Comite Olimpico Arubano pa organisa e actividad di 1, 2 y 3 kilometer escolar den combinacion cu un ‘5K Walk & Run’ pa celebra “World Olympic Day 2015” riba diasabra dia 13 di juni 2015.  Participacion na ambos actividad ta completamente GRATIS y ta tuma lugar na Linear Park.

 

Inscripcion Careda 1, 2 y 3 Km:

E inscripcion pa e careda di 1, 2 y 3 kilometer pa muchanan mester bay via di e school basico cu e mucha ta atende. Informacion y formulario di inscripcion ta obtenibel caba na tur school. E ultimo dia pa inscribi participacion di e muchanan ta diabierna dia 5 di juni 2015. Riba dia di e careda cu ta diasabra dia 13 di juni 2015 no ta tuma inscripcion. Ta cuminsa registra e mainta aki for di 7:30a.m. y e careda mes ta cuminsa pa 8’or a.m.

Pa participa na e careda di 1 Km e mucha mester ta naci na aña 2006 y mas jong.  Pa e careda di 2 Km e mucha mester ta naci na aña 2004 – 2005. Y pa e careda di 3 Km e mucha mester ta naci na aña 2002 – 2003.

 

Premiacion Careda 1, 2 y 3 Km:

E premiacion ta sigui di biaha, mes mainta despues di e actividadnan y ta premia e prome 3 lugar den cada categoria di edad pa tanto mucha muher y mucha homber.

 

5K Fun Walk & Run:

Despues di e careda di 1, 2 y 3 kilometer y mientras ta procesa e resultado pa entrega premiacion na e ganadornan, ta tuma lugar e 5K Fun Walk & Run pa celebra e “World Olympic Day”. Participacion ta completamente GRATIS y ta habri pa TUR EDAD, pero nos ta pidi pa inscribi via di email cerca sra. Jacqueline Ponson-van Putten na  This e-mail address is being protected from spam bots, you need JavaScript enabled to view it .

 

E inscripcion ta importante  pa por haya e cantidad exacto di participante, pa motibo cu tur participante ta bay ricibi un T-Shirt gratis y un certificado for di Comite Olimpico Arubano pa nan participacion. Ultimo dia pa inscribi pa e 5K ta diasabra dia 6 di juni 2015 y participacion na e 5K no tin premiacion.

IBiSA y COA ta invita mayornan di e muchanan cu ta participa na e careda di 1, 2 y 3 kilometer, pero tambe na comunidad en general pa participa na e 5K Fun Walk & Run pa conmemora y celebra e “World Olimpic Day 2015”.

 E formulario di inscripcion pa e ‘5K Fun Walk & Run’ ta riba Facebook di IBiSA y por ‘download’  esaki, yena e  nombernan  di  esnan cu ta participa y despues  email e  formulario  pa sra. Jacqueline Ponson-van Putten. Por yena nomber di esnan cu ta participa den grupo of simplemente por yena un participacion individual. Tambe por tuma contacto cu sra. Ponson-van Putten directamente riba su email of tambe via telefoon na 582 4987, na oficina di IBiSA situa na Frankrijkstraat 1.

 Ban participa hunto cu IBiSA y Comite Olimpico Arubano y asina engrandece e celebracion di “World Olympic Day 2015” y na mes momento apoya nos muchanan den nan competencia di 1, 2 y 3 kilometer, clausurando exitosamente e calendario di actividad y competencia di Deporte Escolar organisa pa IBiSA. 

cdp_pic_2.jpgcdp_pic_4.jpgcdp_pic_3.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event