| 
Comite Olimpico Arubano pa di dos biaha lo presenta e proyecto: “Athlete Career Outreach Programme” PDF Print E-mail
Friday, 29 May 2015
claudia_bokel.jpg Na aña 2012 e proyecto “Athlete Career Outreach Programme” a ser presenta pa prome biaha na Aruba y tempo ey e tabata un exito rotundo.  Awor tres aña despues, Comite Olimpico Arubano, bou di auspicio di Comite Olimpico International, lo organisa e seminario aki un bes mas cu ta dirigi specialmente na un grupo di atleta  representando e diferente disciplinanan den deporte.

For di exterior lo bini un orador super special kende den pasado tabata un Campeon Mundial como tambe un medayista Olimpico den e deporte di esgrima. Su nomber ta Claudia Bokel y actualmente e ta Presidente di e Comision di Atleta di IOC y Miembro di Comite Ejecutivo di IOC, su persona lo ta encarga pa dirigi e seminario “Athlete Career Outreach Programme”.

Mester bisa cu topiconan lo bay ta hopi interesante, lo elabora por ehempel riba Deporte, Educacion y Carera, ki influencia esakinan tini den nos bida diario, nan ta bay hunto of nan ta separa? Kico ta e aspectonan cu ta haci e atleta exitoso den un solo area y e lo por percura pa e  exito aki den multiple etapa den su bida?  Asina tin mas topico cu lo wordo durante di e Athlete Career Outreach Programme”.

E seminario aki ta tuma luga dia diasabra awor 30 di mei na Renaissance Hotel Ocean Suite na di 3er piso, e orario ta di 9or di mainta y finalisa pa 3or di atardi.

 Pa federacionnan deportivo y nan atletanan cu ta interesa pa atende e seminario “Athlete Career Outreach Programme” por tuma contacto cu Comite Olimpico Arubano na number di telefon 582 0031 of por Email na This e-mail address is being protected from spam bots, you need JavaScript enabled to view it .  Registra awe mes, cuponan lo ta limita.

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event