| 
Fundacion Movemento ta Bida lo atende e di 62 edicion di e American College Sports of Medicine PDF Print E-mail
Friday, 29 May 2015
dr._mejia.jpg Pa algun aña caba Fundacion Movemento ta Bida ta trahando duro pa promove actividad fisico y custumbernan pa un bida mas saludabel pa e comunidad di Aruba, specialmente bou di personanan adulto y adulto mayor. 

E fundacion ta uno activo unda diariamente ta organisa varios actividad relaciona cu movecion pa nos adultonan.

Na banda di esaki e fundacion ta traha pa conscientisa un y tur pa biba un bida saludabel atrabes di haci movecion door di organisa cursonan y  atende seminarionan den exterior. Ta importante pa henter e comunidad di Aruba, specialmente nos adulto y adultonan mayor pa hiba un bida saludabel practicando e actividad fisico den un forma consciente y efectivo.

Recientemente Fundacion Movimento ta Bida a atende un seminario masha interesante y hopi popular na Merca riba e tema ehercicio y medicina organisa pa American College Sports of Medicine. E conocido Dr. Christian Mejia, kende ta fungi como “Exercise is Medicine Task Force Aruba” a representa e fundacion. Mester bisa cu e “task force” aki ta formando parti di Movemento ta Bida. Na banda cu Dr, Mejia a atende e seminario aki, e intencion ta pa purba haya e proximo seminario “Excercise is Medicine” wordo teni na Aruba, esaki pa e dokter y specialistanan Hulandes y di habla Spaño na Aruba y den Caribe Hulandes.

Un danki sigur na Lotto, e Loteria di Aruba pa medio di Comision di Subsidio cu a percura pa Dr. Mejia atende e seminario di ehercicio y medicina na Merca.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event