| 
Aruba Amateur Weightlifting Association cu exitoso curso di referee PDF Print E-mail
Sunday, 31 May 2015
cursistanan_ta_pose_cu_nan_diploma.jpg.jpg Aruba Amateur Weightlifting Association a organisa un curso di referee monitor level 1 pa e deporte di hisamento di peso.

E prome dia tabata teoria y di dos dia practico.  E curso a wordo duna dia 23 y 24 Mei 2015 den Aula di Fantastic Garden na Bushiri.  E interes tabata grandi bao di hobenan pa  sigi e curso di referee aki.  Tabata tin participacion di Barbell in Paradise Crossfit, Buchi athletic Gym, Muscles & Lungs Crossfit, TNT Gym y San Nicolas Sport Center.  E curso a wordo duna door di Patrick Vrolijk cu ayudo di Hugo Themen cu ta referee Internacional categoria 1.  Na final di e curso tur participante a ricibi un bonita certificado.  AAWA a keda masha contento cu e cantidad di personan cu ta interesa pa bira referee y tambe pa engrandece e deporte di hisamento di peso aki na Aruba.  Federacion di Corsow di hisamento di peso tambe ta hopi interesa pa bin sigi e curso aki na Aruba.  AAWA lo duna den luna di novemeber e di dos curso monitor Level 2.  Esunnan cu ta interes pa sigi e curso aki por tuma contacto cu Sr. Hugo Themen telefoon 5941947 of Patrick Vrolijk na telefoon 5600110.

Aruba Amateur Weightlifting Association kier a gradici Comision di Subsidio y Lotto pa Deporte cu a subsidia e curso aki y kier a manda palabra di pabien na tur e participantenan cu a sigi e curso di referee cu exito.

 

 
Next >
Benjamin Security NV
Compra
There are no upcoming events currently scheduled.
View Full Calendar
Add New Event