| 
Dos oficial di landamento di Aruba lo dirigi competencia grandi na Bermuda PDF Print E-mail
Sunday, 31 May 2015
img_1301.jpg E Federacion di Natacion di Bermuda, BASA, a hasi un apelashon na cuerpo di oficialnan di landamento di Aruba

pa asina, cu tur gastonan paga, dos oficial certifica di FINA,esta Sr. Ronald Leito, referee, y Sra. Mayens Tromp, starter, por asisti e cuerpo di oficialnan di Bermuda cu nan experticio pa dirigi nan competencia, cual lo ta un evento clasificatorio di FINA. 

Tur atleta di mundo ta hanja e oportunidad pa clasifica cu temponan landa den e competencia aki, pa por representa nan pais na e siguiente competencianan: Weganan Pan-americano na Toronto, Canada, FINA World  Championship na Kazan, Rusia, y pa e Weganan Olympico 2016 na Rio, Brazil. Ronald Leito y Mayens Tromp ta oficialnan cu hopi experiencia, cu ta dirigi competencianan local, y cu na diferente ocashon a representa Aruba internacionalmente. Ronald Leito a ser selecta pa forma parti di e cuerpo di oficialnan na Toronto, Canada. Mayens Tromp ta un miembro di CCCAN, y lo ta presente na Barbados pa reunion, como tambe  pa e competencia di CCCAN. AZB ta sumamente orguyoso di Sr. Ronald Leito y Sra. Mayens Tromp, y ta desea nan hopi exito cu e trabao di responsabilidad grandi aki.
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event