| 
Celebrities a mantene su invicto mientras Royal Power a aplasta Macuarima Indians PDF Print E-mail
Monday, 15 June 2015
team_macuarima_june_2015.jpg Campeonato Heineken di fast pitch di Aruba Softball Bond dedica na baluartenan Marianella Danies y Ramiro Lopez a continua Diahuebs ultimo riba veld di Flatstone na Santa Cruz.

  Den e promer wega valido den categoria A-Klas e muchanan di Esy Kelly esta Celebrities a mantene nan invicto den 3 salida derotando nan rival Madwork Blackhawks cu score di 11-7.

  Celebrities 11 careda, 9 hit, 3 error y Madwork Blackhawks 7 careda, 7 hit, 4 error.  Albert Croes a cubri ful e ruta y a bira e pitcher ganador mientras Marcolino Werleman a bay cas cu e derota.

  Mihor bateadornan pa Celebrities tabata Gregorie Manuel y Fritsgerald Bislik ambos di 2-2, Kevin Regales 1-1 y Ray Bernabela 3-2.  Pa Madwork Blackhawks a destaca na plato Clay Shipley kende a bay di 3-2.

  Den e di dos wega di anochi den categoria AA e muchanan di Royal Power a baha brabo riba Macuarima Indians aplastando Macuarima mediante un blackout. Royal Power 18 careda, 13 hit, 1 error.  Macuarima Indians 2 careda, 3 hit, 4 error. Jair Thompson kende tabata riba entrenamento fuerte como pitcher a inicia e wega y a tira dos inning sublime pa pone e promer victoria riba su nomber y a wordo releva pa un otro atleta riba entrenamento como pitcher esta Kelvin Silvania kende a tira e ultimo entrada.  Carl “Dany” Yarzagaray a resulta e pitcher perdedor.   

  Mihor bateadornan pa Royal Power a resulta Gregory “Pilin” Krosendijk 2-2, Luis Pelayo y Riangelo Flanegin ambos di 3-2, Dijendrick Croes, Jomark Flanegin, Kenny Hart y Richard Flanegin tur a bay di 1-1.

  Pues fanaticada di softball yega tereno bin apoya bo equipo preferi.  Softball den pleno desaroyo.

team_royal_power_june_2015.jpgroyal_power_jair_pitching.jpgmacuarima_carl_yarzagaray_debutando.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event