| 
Joshua Klabér a gana Oro na e di 8 Surinam Open 2015 PDF Print E-mail
Monday, 15 June 2015
8_surinam_open_june_13_2015_-148.jpg Diasabra ultimo tabata tin e di 8 Surinam Open 2015 y Aruba tabata tin 5 atleta cu a participa na esaki. 

Brazil Taekwondo Stichting a participa cu Joshua Klabér, Rasheed Lowe y Marwin Lont.  Stichting Tiger Taekwondo Academy a participa cu Angelo Rodriguez y Caribbean Taekwondo Institute a participa cu Alex Fernandez.  Joshua Klabér di Brazil Taekwondo Stichting a participa den Pupil 28 kilo cu un total di 6 atleta.  Joshua Klabér a bringa su promer pelea contra di Thum Vamsana for di Surinam y Joshua Klabér a gane cu un score di 7-5.

  Joshua Klabér su di dos pelea a bay contra di Matis Champion di Frans Guyana y Joshua Klabér a gane cu un score di 5-2.

  Den e final Joshua Klabér a topa cu Michael Lei for di Surinam y Joshua Klabér a gane cu un score di 2-1.  Asina Joshua Klabér di Brazil Taekwondo Stichting a logra di gana e prome medaya di Oro pa Aruba, bringando tres pelea.

  Rasheed Lowe di Brazil Taekwondo Stichting tabata den e categoria di Pupil te cu 11 aña, pero Alberto Klabér a laga saca Rasheed Lowe for di e categoria ey y a pone den e categoria di Cadet cu ta atletanan di 12-14 aña.  Un di e motibonan tabata pa e nivel cu Rasheed Lowe a bringa aden y mirando cu e atletanan te cu 11 aña lo no por a wanta contra di Rasheed Lowe.  Rasheed Lowe a gana su promer pelea contra di Hilaire Loham for di Frans Guyana cu un score di 6-2.  Rasheed Lowe a topa cu Gynaro Huisraad di Surinam kende a topa Rasheed Lowe caba den pasado na e TK5.  Rasheed Lowe a habri e pelea cu un head shot y a subi e score pa 3-0 den e promer rond, pero den e di dos rond cos a cambia, pasobra Gynaro Huisraad a bin for di patras ganando e pelea cu un score di 7-3 lagando Rasheed Lowe cu lagrima na wowo y no mucho satisfecho cu su derota y mester a keda cu su di 3er lugar y a logra medaya di brons.

  Marwin Lont di Brazil Taekwondo Stichting kende tin 2 aña sin cu e la bisti un protector di Taekwondo a dicidi di purba su suerte na Surinam, pero su contrincante for di Surinam Bjorn Hermelijn a hunga un tiki cu Marwin Lont y a logra di gane facilmente.  Bjorn Hermelijn a sigui gana tur e otro 3 peleanan y asina Bjorn Hermelijn a logra di gana medaya di Oro. 

  Angelo Rodriguez di Stichting Tiger Taekwondo Academy a topa cu Bendjino Misiedjan di Surinam y a logra di gane cu un score di 14-3.  Den e final Angelo Rodriguez a topa cu Alex Getrouw di Surinam y a perde contra di Alex Getrouw y asina Angelo Rodriguez a sali na di dos lugar y a logra medaya di plata.  Alex Fernandez di Caribbean Taekwondo Institute a topa cu Timothy Arnhem di Surinam y Alex Fernandez a perde esaki. 

  Aruba a demonstra un biaha mas cu nos tey y cu por a logra 1 Oro, 1 Silver y 1 brons na Surinam.

8_surinam_open_june_13_2015_.jpg8_surinam_open_june_13_2015_-35.jpg8_surinam_open_june_13_2015_-97.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event