| 
Playoff Pro Softball 2007 PDF Print E-mail
Sunday, 16 September 2007
Softball120907 (6).JPG
Play off a cuminza y equiponan tanto den A-Clas y  tambe Dobble-A a drenta e rond di semi final pa hunga un best out of three pa mira kende lo sigi pa final cual lo bay ta un best out of five.
Den e promer partido e muchanan di Tico Loopstok Universal Trophy a inicia riba bon pia y a mustra cu no ta pornada nan a clasifica number uno y a aplasta e muchanan di Juan Arcaya y Ramiro Lopez esta Interprint ganando e promer partido den e seria di best out of three cu score di 12-4. Aunkee por bisa cu errornan costoso di Interprint a contruibi hopi na nan derota. Universal Trophy 12 careda, 5 hit, 1 error. Interprint 4 careda, 8 hit y ta comete 6 error. E veterano Lucas Wever ta habri e partido y ta bay cas cu e victoria ricibiendo ayudo di Alvin Perreira den di 5 entrada. Di otrobanda Roderick Lopez ta habri e partido pa Interprint y ta resulta pitcher perdedor. Rudolf “Ludy” Angela ta drenta di relevo den di cuater entrada kende na su turno ta wordo expulsa pa chief umpire indicando cu el a dal bateador Kwidama dos biaha cu bala cu mal intencion. Mihor bateadornan pa Universal Trophy ta Alvin Perreira y Gerardo Nuñez 2-1. Pa Interprint a destaca den causa perdi Richard Marrero y Sixto Odor 1-1, Santos Rangel 4-2. Den e di dos partido e muchanan di Fenchie y Eggy di Gess Power a rally den ultimo inning pa saca un victoria importante den e promer wega di best out of three lagando Macuarima Papa Johns Pizza den tereno cu score di 6-5 tras di un tremendo doblete oportuno di Richard Krosendijk. Silvio”Buchie”Flanegin cu a inicia e partido pa Papa Johns Pizza tabata tin e bateadornan di Gess Power henter anochie off-balance y tabata gana te den ultimo inning 5-4. Nos ta sinti cu manager a laga Buchie un poko dimas ya cu nan por a sera e partido cu Lucio Geerman pero no a opta pa e cambio aki. Gess Power 6 careda, 8 hit, 1 error. Macuarima Papa Johns Pizza 5 careda, 7 hit, 1 error. Antonio “Tony”Warner despues di wega por a smile atrobe ya cu durante wega e tabata cora cora pero a sa di bay cas cu e victoria. Silvio”Buchie Flanegin ta bay cas cu e derota. Mihor bateadornan pa Gess Power ta Francis Krosendijk 3-2, Raynard Marin 4-2, Hector Koolman 2-1. Pa papa Johns Pizza a luci Arcadio Maduro 3-2, Robertino”Tuttu”Koolman 4-2, Victor Vrolijk 2-1. Weganan ta continua diamars y diaranzon awor na veld di Kudawecha.Waak pa bo tey!!!!
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event