E delegacion Arubano ta consisti di atletanan den e disciplinanan di landamento y landamento sincroniza. Den landamento un total di 16 atleta den cuater categoria di edad lo competi den e campeonato CISC, mientras cu den synchro un total di 19 atleta lo competi den e tres diferente categorianan di edad. Yegando e Aeropuerto Internacional di Miami, e delegacion a uni pa saca portret, pa asina pueblo di Aruba tambe por a sera conoci cu su representantenan den e deportenan di synchro y landamento. Den e dianan nos dilanti lo manda mas informacion y resultado di e campeonato CISC, cu ta e campeonato hubenil di Caribe, den e disciplinanan di landamento, synchro y waterpolo. Riba e portret por mira e delegacion Arubano di CISC 2008.

Average user rating

   (0 vote)