di e logronan di nos Atletanan den exterior. Cuatro atletanan cu a competi den Ms. & Mr. Aruba cu ta Sharine Ignacio, Ms. Aruba Yusmary Villalobos Fonseca, Hemradj Mulai y Mr. Aruba Guiver Scholten a bai competi den 36th Central American & Caribbean Bodybuilding and Fitness Federation Championship na Bahamas. E competencia a tuma luga e weekend di 25 pa 28 September 2008 y aki sigur tur cuarto Bodybuildernan a gana premionan pa Aruba. Aki bow por mira mas di e resultadonan final y potretnan di e atletanan cu nan Medaya y Copa grandi.

Sharine Ignacio a logra di dos luga den Masters (over 40 years old) y prome luga den Ladies Bodybuilding 55 Kg.

Yusmary ta logra gana Ladies Bodybuilding (over 55 Kg) despues ta bira gana Ladies Overall Champion. Cu victoria aki Yusmary ta logra hanja su Pro- Card y lo bai asina ariba su mes.

Den Mens Bodybuilding Bantam weight (60Kg) Hemradj Mulai a Sali segundo lugar.

Mens Bodybuilding Lightweight (90Kg) ta bira ganador absolute Guiver Scholten. Anja pasa Guiver a keda na di cuarto luga den mesun categoria, pero  prepara hopi bon mes pa e cu e titulo grandi aki. Awor e lo tin cu bai den preparacion pa mundial hunto cu Yusmary Villalobos.

Den Mixed Pairs a keda prome luga Yusmary Villalobos y Guiver Scholten.                    

Rene Wild cu sigur tin cu hanja su meritonan tambe mirando cu ta Rene a train tur cuarto atletanan y  nos di SportsAruba.com kier a felicita e atletanan y Coach Rene Wild cu nan logro y pone Aruba su nomber nah alto un biaha mas.

Average user rating

   (0 vote)