ORANJESTAD -- Durante un anochi agradable e
hoben atletanan di e club di landamento sincroniza “The Barracudas” a reuni na
e restaurante Gambero Rosso pa un delicioso cena di Pasco.
Acompaña pa directiva di e club, entrenadornan y invitadonan
special di e club, e atletanan a pasa un rato sumamente agradable ya celebra e
exito deportivo cu nan a logra durante e aña cu ta finalizando. Ademas di esaki
The Barracudas a canta “Happy Birthday” pa e rumannan Jitva y Nathifa Sarman,
cu a celebra nan cumpleaños e siguiente dia.
Presente na e Cena di Pasco tabata tambe e entrenadora di e
seleccion nacional di Cuba, Ivette Bacallao, cu ta pasando un temporada di
intercambio na nos isla, pa yuda prepara nos atletanan pa e compromisonan pa e
proximo temporada. Un atencion special durante e anochi tabata entregamento di
algun regalo na e landadornan presente.
Presidente di The Barracudas, Michelle Pablo, a gradici tur
e landadornan y nan mayornan pa e tremendo cooperacion ricibi durante henter
aña y cu sigur a logra tanto bon resultado deportivo pa nos pais.
Riba e portret por mira e grupo di The Barracudas durante e
anochi di e cena di pasco na Restaurante Gambero Rosso.
(0 vote)