| on Monday, 15 June 2009
|
Published in : , Basketball |
SAN NICOLAS -- Alumno di Scolnan di Enseñansa Avansa a brinda bunita wega di basketball durante final di Olimpiada Escolar 2009. E weganan a tuma lugar riba cancha di YMCA na San Nicolaas. E scolnan cu a clasifica ta Filomena College MAVO, Colegio Arubano Oranjestad, EPB San Nicolaas y EPB Hato.
Den e prome wega a enfrenta otro Filomena College y Colegio Arubano Oranjestad. E hobennan di Filomena College ta gana e wega cu score di 41 pa 33. Esaki ta sigura Filomena College MAVO e pase pa e wega pa campeon.
Den e di dos wega ta hunga EPB San Nicolaas contra EPB Hato. E wega di basketball aki tabata uno hopi bataya te na final. EPB San Nicolaas ta gana finalmente cu diferencia di 1 basket. E score a termina 21 pa 19. Asina e di dos scol clasifica pa hunga pa campeon a bira conoci.
Di tres y di cuater lugar
E wega pa di tres y di cuater lugar a tuma lugar entre Colegio Arubano Oranjestad y EPB Hato. E wega aki tambe tabata hopi preta den score. E hobennan di Colegio Arubano a hunga cu fervor pa gana y ta logra termina e wega cu score di 40 pa 37 riba e hobennan di EPB Hato cu finalmente ta keda na di cuater lugar. Colegio Arubano ta termina na di tres lugar den basketball di Olimpiada Escolar Betico Croes 2009 y ta ricibi nan medaya di brons y nan trofeo mereci despues di a hunga un bunita partido.
Wega pa Campeon
Despues a sigui e wega pa titulo di Campeon den Basketball pa Olimpiada Escolar. Filomena College MAVO a duna fuerte bataya y na half time tabata gana 14 pa 11. Pero den e di dos tempo, e hobennan di EPB San Nicolaas a demostra nan intencion serio pa gana e wega y keda cu e titulo di campeon. Asina e wega ta finalisa cu score di 33 pa 31 na fabor di EPB San Nicolaas cu ta bira campeon di basketball. E hobennan basketbolista di Filomena College MAVO ta ricibi nan medaya di plata y nan trofeo di sub-campeon. Contento pa e logro e hobennan di EPB San Nicolaas ta tuma nan medaya di oro y nan trofeo di campeon. Como hungador mas valioso a resulta Jomar Richardson di EPB San Nicolaas cu ta ricibi su plakaat como ‘MVP’di basketball di Olimpiada Escolar Betico Croes 2009.
IDEFRE ta felicita tur hungador y cada scol cu a participa na e competencia di basketball durante Olimpiada Escolar cu a haci e deporte grandi. En especial e scolnan ganador cu a clasifica den e final, como tambe na tur fanatico cu a biba e momentonan di emocion cu tur hungador.
|
|
|
| Users' Comments |
|
Average user rating
 (0 vote)
|
|
Add your comment
|
.JPG "Basketballolimpiadafinal (1).JPG")
.JPG)
.JPG)
.JPG)
.JPG)
