SportsAruba.com - Aruba Sports News Provider - Richard Dijkhoff un dirigente cu credibilidad y experencia

Richard Dijkhoff un dirigente cu credibilidad y experencia

on Tuesday, 30 June 2009

Published in : , Noticia

PIEDRA PLAT -- Bo organisacion tambe ta desea di mira un cambio den Arubaanse Voetbal Bond? Ata bo oportunidad pa haci esaki, probecha awor! Dia 3 di juli 2009 proximo, tur e organisacionan deportivo afilia na Arubaanse Voetbal Bond tin oportunidad pa eligi 4 miembro pa directiva y un Presidente.
Ariba e fecha aki bo organisacion tin e oportunidad pa eligi y nombra personanan ( jong y dynamico, cu vision y sigur metanan pa un era nobo den futbol) pa como miembro nobo maneha, administra y dirigi nos futbol den un mihor forma. Talvez bo organisacion tambe ta anhela pa un biento fresco supla den nos organo di mas halto di futbol na Aruba y kier mira un directiva di AVB traha mas structura y sigur cu un plan strategico a largo plazo. Talvez bo organisacion tambe kier ta representa pa duna nos futbol na Aruba un direccion nobo y alavez kier tin participacion den fiha e metanan pa Aruba su futbol en general!

Anto ata e oportunidad pa bo organisacion tambe ta representa den A.V.B., deposita bo confianza diabierna awor dia 3 di juli den sr. Richard Dijkhoff. Su persona ta mas cu dispuesto pa traha cu y na bienestar di nos organisacionan y trece e cambionan cu pa hopi tempo nos tawata kier a mira den A.V.B.

Introduccion.
Ken ta Richard Dijkhoff?
Richard Joselito Dijkhoff a nace dia 4 di augustus 1964 na Piedra Plat y a crece den barrio di Piedra Plat, Paradera y Sta Cruz. Su persona a wordu forma futbolisticamente for di aspirant te cu junioren den e team campeon di e decadanan 70, esta S.C.A. di Paradera, bow liderazgo di un legendario aki na Aruba sr. Carlos (Cay) Hart. Despues di e periodo aki su persona a pasa forma parti di SV Britannia, den cual team e a milita pa algun temporada. E habilidad di su persona ariba tereno di futbol tawata asina exitoso cu tawata tin hopi interes di teamnan di Ere- Divisie e tempo ey manera RCA, Estrella, Universal y San Luis. Lamentablemente pa futbol di Aruba na aña 1984 su persona a bai sigui su estudio na Hulanda.

Experencia como dirigente.
Tempo di su estudio na Hulanda su persona tawata miembro di diferente Fundacionan na Hulanda, caminda entre otro su persona a fungi pa basta añanan largo como secretario di Fundacion Kibrahacha na Lelystad. Fundacion Kibrahacha tawata un fundacion cu tawata sirbi interesnan di Antillanonan y Arubianonan na Lelystad. Na aña 1995, na momento cu su persona a bolbe bek Aruba, su persona a forma parti di SV Britannia. Den SV Britannia como secretario, su persona hunto cu diferente otro personanan a sa di structura y eleva e nivel di e organisacion y pone e organisacion aki unda e ta awe. Awor a jega e momento cu su persona a tuma e decision pa comparti su experencia na un nivel mas halto den nos futbol na Aruba y traha na bienestar di tur organisacionan.

Metanan di Sr. Richard Dijkhoff como miembro di Directiva.
Su persona ta di opinion cu maneho moderno ta depende di liderasgo professional y mirando e experencia cu su persona tin, e ta considera su persona como un persona cu tin e capacidad di innova, actua cu pasion pa trabao y motiva otro miembronan pa traha di tal manera.

•    Estrecha e lazo cu KNVB di Hulanda caminda A.V.B. y organisacionan por haci uzo di nan experencianan y servicionan. Entre otro cursonan di TCIII y Jeugdleiders.
•    Cursonan Futuro III pa Coaches: Esaki ta cursonan mas avansa y cu tin vervolg pa nan.
•    Curso pa coach futbol femenino: esaki ta special pa sinja coachnan con pa train y anda cu futbolistanan femenino.
•    Curso di Grassroots: Esaki ta special pa sinja coachnan con pa train y motiva mucha entre 6 pa 12 anja.
•    Member Associaion courses: esaki ta difirente curso cu FIFA por duna riba tereno di refereeing, coaching, futbol, femenino, administracion (esaki lo ta uno hopi bon pa e clubnan na Aruba) y medicina.
•    Olympic Solidarity: esaki ta curso combina entre FIFA y Comite Olympico unda FIFA ta pone instructor disponibel y Comite Olympico ta cubri e gastonan.
•    Com-unity seminar: esaki ta seminario cu curso special pa trese diferente actornan local (AVB, clubnan, gobierno, sponsornan, prensa, marketing, TV, etc) den futbol hunto pa crea mihor comprenshon y cooperacion. Hopi di e seminarionan aki ta yuda un bond haya fondo necesario pa projectonan grandi of pa cuminsa cu un actividad (of categorianan, por ejemplo futbol femenino, futsal, etc.) nobo. E por ta un seminario general cu diferente topico of un seminario cu un topico specifico, por ehempel marketing of media, cual ambos lo ta bon pa Aruba/ AVB.
•    Member Association Services: esaki ta un afdeling den FIFA, pero cu ta specialisa den cambia structura di bondnan pa nan traha mas professional y General Secretary Mentoring. Esaki lo ta uno hopi bon pa Aruba tambe, pero e ta rekeri hopi seriedad, planificacion y huiswerk. E ta un trajecto cu ta cuminsa cu un retraite intensivo (3 dia) cu e bestuur di e bond, pa hasi evaluacion di e situacion y e vision. Despues ta sigui un organisational review, y projecto di professionalisashon. Hopi trabao, pero hopi bon si hasi esaki na manera serio.

E ultimo aki lo bai ta e meta principal pa logra den e anjanan venidero.

KEDA PENDIENTE PA MAS INFORMACION DEN E DIANAN CU TA SIGUI……..

Users' Comments

Average user rating

(0 vote)

Display 12 of 12 comments

By: Karel Arends (Guest IP 66.247.203.137) on 04-07-2009 13:24

Clubnan, awor cu e reunion no por a continua y mester pone un otro fecha bo mester exigi un punto di AGENDA...................kiko ta e VISION pa proximo 4 anja. Ta todopoderoso a haci cu e reunion no a continua y cu awor bo por pidi compromiso entre esnan cu lo sinta den AVB y boso como club. E cosnan mester ser mira ZAKELIJK pa cos cambia.

By: Karel Arends (Guest IP 209.88.131.190) on 03-07-2009 16:47

Richard exito awe nochi, wak esaki: Kenmerkend voor kernreflectie is:
•De aandacht voor vragen als: wat is mijn ideaal, waar geloof ik in, waar zou ik in willen geloven, hoe zie ik mezelf, hoe zou ik willen zijn, wat beweegt mij, wat is voor mij van wezenlijke betekenis? Vragen dus die de identiteit en de spiritualiteit van een persoon betreffen.
•De toekomstgerichtheid. Je bent dus niet alleen gericht op het oplossen van een probleem, maar ook op de betekenis voor de toekomst;
•De nadruk op idealen, dromen, verlangens, op wat je graag zou willen;
•Het streven naar disidentificatie. H

By: Richard Dijkhoff (Guest IP 206.48.23.196) on 03-07-2009 09:31

Karel, ningun momento mi lo tuma bo pensamento como un atake personal. Mi ta respeta opinion di otro y ta keda na mi persona pa mi convence bo di mi ideanan. E vision cu bo ta papiando di dje ey, ta algo cu mi kier jega na dje door di laga tur team participa y conhuntamente jega na un Mission y Vision pa Aruba su futbol (AVB). Door di jega na esaki bo lo hanja participacion y sigur acceptacion y esey ta locual nos falta na Aruba. Cada biaha nos kier inventa e wiel di nobo. Ora cu e grupo di trabouw aki keda forma, e lo ta representa pa tur esnan cu por contribui positivamente.

By: Karel Arends (Guest IP 209.88.131.190) on 03-07-2009 04:33

Despues di 1991 na varios ocacion mi tabata President di comision pa postula directiva nobo. Na 1996 te 2003 mi tabata lew di futbol Arubano, solamente play off final mi tabata bai wak. Na 2005 mi a ser postula pa bira president. Desde tal fecha mi a duna directiva y Sr. Rufo Kelly pa demonstra kiko nan por. Mi a porpone Sr. Rufo Kelly un plan el a nenge, e clubnan grandi no kier mi persona. Dus pa cos a caba, mi no por obliga hende kere den mi capacidad: ami no ta asina e mester sali di ABO pa kere den mi.

By: ebby (Guest IP 12.158.249.5) on 02-07-2009 23:28

Stop di Critica, postula bo nomber, mi tambe por critica tur dia, te ora cu mi muri y sin hasi nada

By: Karel Arends (Guest IP 201.229.44.192) on 02-07-2009 19:21

Bo no a defende nada Sr. Richard Dijkhoff e palabranan cu bo a usa, defunto Luwi Wever tambe tabata dramatico asina, e tabata bai mas lew, e tabata bisa cu e tin futbol na pecho. Semper tabata core pa menciona su VISION y of kiko e ta kere aden. El a sinta den AVB, den ASU y nada a drecha durante su periodo. No tuma mi remarcanan personal, pero ser un profesional cu bon VISION y su argumentonan. AVB a conoce demaciado payaso desde juni 1991 te awe, percura majan nan bisa cu abo si ta serio y tin algo "en la bola".

By: Richard Dijkhoff (Guest IP 206.48.23.196) on 02-07-2009 08:48

Karel, no ta mi intencion di bai den polemica den kico AVB a haci of laga di haci. Mi persona a scohe pa postula mi mes cu e meta primordial pa juda eleva e nivel di nos futbol y sigur jega na traha mas estrecho cu tur e organisacionan di futbol na Aruba. Ami no ta kere den sinta den "Ivoren toren" anto dicta, pero mi ta boga pa hunto cu tur team di div. 1 te cu div. Honor, jega na un plan integral pa Aruba su futbol. Duna nos futbol e direccion cu e teamnan ta desea y no implementa un idea di un grupito. E mester ta algo di nos tur.

By: Karel Arends (Guest IP 201.229.44.192) on 01-07-2009 23:05

Richard, please start cu cosnan cu make sence, mi a duna 3 VISION cu bo por tuma y duna contenido na nan. Start nobo ta bisa ningun hende nada. Un VISION ta exigi varios as[pecto importante, si loke bo ta presenta ta alcansable, si e contenido ta logra tur hende wak den e mes un direccion y si e recorsonan desponibel ta suficiente. Mi ta retado publica un VISION cu tur su contenidonan. E tempo di lesa buki, wak wega y sinta wan video of CD no ta existi mas, awendia sea bo tin capacidad of bo no tin tal, No bla bla please.

By: Benjamin Francees (Guest IP 199.0.86.142) on 01-07-2009 22:24

Richard, ami kier mira den futuro no mucho leeuw un Copa Caribe, cuminsando cu Curacao, Bonaire, y Aruba, despues por sigi bai den Caribe tambe, henter anja tur luna (weekend) lo tin viajamento pa weganan entre e campeonnan y sub campeon nan di Caribe, y na final den Nov. lo hunga e final. AVB mester sincronisa cu FFB, NAVU, segun mi NAVU, mi no sa si a cambia, pero pa asina e islana aki por participa, will continue

By: tankiboy (Guest IP 66.247.203.209) on 01-07-2009 20:20

BAN VOTA PA ...RICHARD DIJKHOFF..... E RESCATADOR DI ARUBA SU FUBOL !!!.......DIA 25 SEPTEMBER VENIDERO .....SORRY DIA 3 JULI VENIDERO.

By: Richard Dijkhoff (Guest IP 206.48.23.194) on 01-07-2009 17:22

Karel, mi ta conciente cu futbol di Aruba ta exigi hopi pe progresa y ta pa e motibo aki mi a dicidi di postula mi mes pa mi duna un aporte tur locual tin mester pa juda e futbol progresa. Sigur mi lo para pa mi Vision, di cual mi lo convence demas miembronan di dje pa hanja nan tambe para tras di esaki. Ami ta kere den un comienzo nobo, un start nobo y no keda mira den pasado.

By: Karel Arends (Guest IP 199.0.80.143) on 01-07-2009 04:58

Richard, desde 1991 dia AVB a conoce un super directiva tabata dificil hanja hende cualifica. AVB ta un neishi di "parasetafan", Ohala bo por scohe un VISION y para pe, logra directiva di AVB kere aden. Ata algun, e deportista central, e conocemento serca e staftechnico of e calidad di e futbol. Futbol den 2009 ta exigi defende un estudio haci y controla pa experto. Percura bo hanja un consehero ariba nivel Profesional cu 20 anja di experencia, pa cada idea ser non evalua pe. FUTBOL di Aruba ta exigi hopi pe progresa.

Display 12 of 12 comments

Add your comment

< Prev		Next >

Walk with a Friend BY Colegio Arubano