| on Thursday, 02 July 2009
|
Published in : , Noticia |
PIEDRA PLAT -- Desde anja pasa na 2008 e promer contactonan a ser haci pa hanja un entrenador diploma y experencia den mundo di futbol hulandes pa bin duna un summercamp na e hungadornan di SV Britannia y nan entrenadornan.
Tawata for di un principio cu a bira duidelijk cu esaki lo no bait a un tarea facil mirando cu nos tawata en busca di un entrenador pa bini Aruba 2 siman y ya cu tur e entrenadornan ta ocupa cu nan destinguido clubnan. Tur entrenador tawata por a bini den luna di juli so y pa 1 siman door di nan compromiso cu nan distinguido clubnan. Desde un inicio Directiva tawata di opinion cu 1 siman lo ta mucho cortico mirando e gran cantidad di muchanan cu tin den e diferente divicionan. Por ehempel por menciona cu den e dicivion di Lifida Baby, tin alrededor di 40 mucha ta practica e deporte futbol. Ta pa e motibo aki e negosacionan a tuma hopi tempo. Apesar di tur e tempo y dificultadnan pa logra hanja un entrenador, toch nos a logra hanja sr. Willem Thijssen, actualmente entrenador di seleccion U-19 na FC Dordrecht. E entrendor aki tin basta experencia ariba tereno di entrena muchanan di edad di 6 pa 19 anja di cual ta precisamente ta locual SV Britannia tin den mente pa su hungadornan di divicion di LIFIDA. Entre otro e entrenador aki a hunga 10 aņa profvoetbal pa FC Excelsior y 2 anja pa FC Sparta na Rotterdam. Na aņa 1996/1997 e tawata assitent di Mario Been na FC Excelsior Rotterdam, kende awe ta entrenador di FC Feyenoord. Asina aki e enterandor aki a establece su nomber den regio di Rotterdam na diferente clubnan renombra y acutalmente ta ocupa pa algun anja caba cu U-19 na FC Dordrecht.
E intencion di e summerkamp aki ta pa duna entrenamiento na tur e hungadornan. Durante 2 siman lo organisa differente formanan di entrenamiento pa tur e hungadornan, di 6 anja te cu 18 anja. Durante e 2 simanan aki lo pone enfasis ariba e parti technico (voetbaltechniek) pasobra por hunga bon futbol un hungador mester ta posee un bon dominio di bala, baltechniek. Alavez lo pone atencion ariba p.e. shijnbewegingen, dribbel cu bala, con ta pasa un bala den mihor forma, con ta tuma/accepta un bala, pase den mihor forma y con ta schop un bala y mucho mas.
Tambe ta intencion di e entrenador pa pone atencion na e muchanan di 12 anja bai ariba ariba aspectonan manera tactico y mental. Pues e hungadornan lo ricibi un entrenamiento bastante intensivo y esaki lo bai juda nan den nan trajectorio como futbulista.
E summercamp aki lo bai tuma lugar na Centro Deportivo Frans Figaroa di 8:00 di mainta te cu 12:30 di merdia. Tur hungador lo ricibi fruta, cos di bebe y di come durante un break cortico durante e maintanan. Na final di e summercamp tur hungadornan cu a participa lo ricibi un certificado firma door di e entrenador Willem Thijssen. E entrenador aki lo bai hospeda na Aruba Vacation Park na Hooiberg y lo tin un auto di Dollar Car Rental.
Por ultimo nos kier a gradici tur esnan cu a haci possible cu otro siman e summercamp aki por tuma lugar di cual nos kier a gradici Bright Bakery, Aruba Vacation Park na Hooiberg y Dollar Car Rental.
|
|
|
| Users' Comments |
|
Average user rating
 (0 vote)
|
|
Add your comment
|
