ORANJESTAD -- E segundo dia di competencia di e Campeonato Centro Americano y del Caribe di Natacion (CCCAN) a produci e prome medaya di oro pa Aruba di e campeonato. Jordy Groters a sa di impresiona un y tur sinta rond di e “Piscina Bolivariana” na Barquisimeto, Venezuela,
cu un actuacion extraordinario. Cu esaki ela gana e medaya di oro riba e distancia 200 meter Individual Medley. Daniella van den Berg tambe a gana un medaya den e mesun evento, esta e 200 meter Individual Medley, pero di un otro color. Cu un diferencia minimal, e mester a laga su contrincante di Barbados bai cu e oro, pero a keda contento cu e medaya di plata.
Un biaha mas varios landador di nos pais a sa di clasifica pa e finalnan di e campeonato durante e prome dia caba. Sue Gin Arends a termina na di 5 lugar den e 200 meter Backstroke, Gaby Ponson na di 8 lugar den e 200 meter Backstroke, Ally Ponson a termina na di 8 puesto den e 50 meter Butterfly, Jemal Le Grand na di 7 lugar den e 50 meter Butterfly, Ashley Groters na di 7 lugar den e 50 meter Butterfly, Daniella van den Berg na segundo lugar den e 200 meter IM y Jordy Groters na prome lugar den e 200 meter IM.
Acompañando e comunicado aki por aprecia algun portret di e entregamento di medaya diaranson durante e campeonato CCCAN.
|
|
|
| Users' Comments |
|
Average user rating
 (0 vote)
|
|
Add your comment
|
