| on Wednesday, 22 July 2009
|
Published in : , Billiard |
NOORD -- Diabierna anochi Salinja Serca y becindario tabata den estado di alerta corra ora cu un di e super-bataya nan di e tan famoso COORSLIGHT BLACKBALL TOUR a tuma lugar
den e conosido “take it or leave it place”, J&J SNACK! E team mas “infamous” di Aruba, e teribel gang di cacho brabo di Pos Abou, MAD DOGS bou guia di Angelo “le machet” Tromp,tabata “in the house” pa enfrenta e grupo di CUERVO “VIVE”, bou guia di nada menos cu e “enfant terrible” di Catiri, Jorge Petrocchi!! Un tabla “gigantesco” a bula den lugar di “de sluwe vos” Jos Kelly e anochi ey!!!
Mad Dogs ta habri wega cu djente ta lombra ora cu den corto tempo Armandje “steroid” Ridderstaat dal Win Dabian cu 3-0, y George “Old Parrini” Nobrega fusila “Smalley” Andrews cu 3-1!! Cacho nan ta cuminsa grita “gibi-gibi-gibi” ora cu nan ta ariba cu 2-0, pero den poco rato e parha brabo Cuervo ta cuminsa pik wowo di cacho ora cu Reggie Jansen cu score di 3-1 corta rabo di nada menos cu “de indiaanse herder” Johnny Tromp, y “Robocop” Andre Tromp pone “mr. Ganbang” Raymond Eckmeyer dobla rabo na ultima ora cu score di 3-2!! E bataya ta nivela na 2-2 y un y tur ta cuminsa sinti cu e anochi ta bay tin co’ …….
Den doubles, e duo di Rossy Starke y Stanle ta demasiado duro pa Robby “mati” Nathu y Jonathan Ridderstap, y cu 2-0 Rosley cu Stanley ta pone Mad Dogs pika dilanti cu 3-2! Ya p’e ora nan aki e atmosfera di J&J ta diki diki di sigaria y holo di cacho kla pa buta drama!! E gang brabo di cacho brabo ta bira hysterico ora cu Mitchell Kelly tumba Gibi Damian cu 3-0 y Mad Dogs yega top cu 4-2!!! Mitchell, kende net despues di su wega a hasi anja, ta haya un banjo di serbes frieuw y un “happy birthday song” cu letra nan “X-rated”, mientras cu e cacho nan brabo ta core rond pa loco den J&J “snuffel” na otro gritando “gibi-gibi-gibi”!!!
Wega ta continua, pero mientras cu e cacho brabo nan ta bende cuero di Cuervo sin a mata e parha ainda, Edwin W. di Cuervo ta pone un Angelo Tromp bula rond manera flie sin rabo ora cu e dal Angelo durisimo cu 3-0!! Cuervo ta corta bentaha na 3-4 y “mati’ ta cuminsa grita bay off cu e cos aki ta caba awe nochi mes!!
George “terrible” Petrochi himself ta tuma ley den man ora cu den forma autoritario e ta pone Pi Leest sinta den huki na straf cu score di 3-0!!! Sensacionalmente Cuervo ta empata e wega na 4-4 y e gang di cacho brabo ta busca tur forma di “bula trankera” pero un biaha mas “mati” ta drenta wega y ta proclama cu e “wega ta caba aki y awe nochi mes”!!!
Un tabla grandisimo ta bulando den J&J poniendo “management team” cu man na cabes, y bow preshon enorme e parha mas hyper di Cuervo, nada menos cu “Mr. 100%” himself Kwek Petrochi ta pone “orde op zaken” y ta duna Leo Alcantara su “firma libre” cu score di 3-0!! Cacho nan coriendo paki paya gritando “cayay cayay cayay”, pero e borchi ta mustra diki diki “Kwek Petrochi 100%”!!! Cuervo ta pone un tabla bula ganando Mad Dogs cu 5-0!!!
|
|
|
| Users' Comments |
|
Average user rating
 (0 vote)
|
|
Add your comment
|
.jpg)
