| on Wednesday, 05 August 2009
|
Published in : , Billiard |
STA CRUZ -- Capitan “Digigun” Acosta a spierta un y tur cu nan lo baha brabo e anochi ey pa purba sigura un puesto den semi-final! Diasabra anochi den Trappers Club na Sta. Cruz, e legendario team di Noord, BARRACUDA, a hasi un tremendo intento pa para e racha di victoria di HUT PREDATORS, pero esaki a resulta en vano ya cu n’e momentonan crucial Barracuda ta falta net e “edge” cu Predators tabata tin.
E prome cu ta sali foi linja mahos pa Barracuda ta “Lucky Luke” Tromp ora cu na 2-2 el a haya wega pa gana pero ta laga “Rifleman” Arie Jansen scapa! Hut Predators ta pika dilanti cu 1-0. Den un tremendo wega Alex “Bobcat” Eckmeyer ta haya chance pa pone Ransley “psaiko” Tromp plat abou pero lamentablemente cu wega na 2-2 Alex su bobcat ta chok den lodo net dilanti bola 7 y Ransley ta piki otro puntje pa Hut Predators bay dilanti cu 2-0!
Veterano Edwin “Kwek” Chirino ta pasa manera un horcan ariba pober Pepe La Rosa!!! Despues cu Edwin a hinca 16 bola tras di otro el a faya pa prome biaha!!! Pepe ta “kansloos” y ta bay fondo perdiendo cu 3-0 y Predators ta comfortablemente ariba un bentaha di 3-0!!! Barracuda ta duna signal di bida ora cu na un forma “mal rabia” David Brete bay dilanti cu 2-0 ariba un Dufi Ras cu a manera start cu flat tire! Na caminda parse cu e bering nan di David ta manera pega den otro y Dufi ta recupera pa tabla na 2-2, pero den atake di “flashback” Dufi ta sinti susto drenta su curpa y David ta logra supera cu 3-2 pa asina Barracuda corta bentaha te na 1-3!
Markito Farro y Wolfred Tromp ta forma un “perfect duo” e anochi ey y den gran forma ta domina David Franken y “Fat Rapper Joe” Maduro cu 2-0! Hut Predators comfy-comfy na top cu score di 4-1!!! Despues di tin mas o menos 2 anja sin perde un set pa Predators, Fredley “spechoit” Tromp ta topa un indjan cu “mas save por viejo que por diablo”!! Indio Kelkboom ta pone experiensia triunfa ariba hubentud y ta gana Fredley cu 3-2 pa corta bentaha te na 2-4 pa Barracuda. E sigueinte wega ta ariba un nivel “out of reach” pa hopi aki na Aruba : Elvis “El Bon Bon” Evertsz vs Richard Wolff di Barracuda!! E x-closer di Snack Ranch ta bolbe demostra cu e ta e “Mariano Rivera” di Predators y un biaha mas manera un “sicario” ta pone bola caminda e ta pone wowo y den tremendo partido ta domina legendario Richard Wolff cu diferensia minimo di 3-2!! Un bataya tremendo entre dos team grandi aki na Aruba, caminda e score final di 5-2 pa Predators ta refleha cu ariba e nivel aki cada fout chikito ta pisa tonelada!!
|
|
|
| Users' Comments |
|
Average user rating
 (0 vote)
|
|
Add your comment
|
.jpg)
