| on Tuesday, 06 October 2009
|
Published in : , Volleyball |
ORANJESTAD -- IDEFRE ta cla pa e torneo di Volleyball Escolar cu ta cuminsa despues di ‘herfst-vakantie’. E torneo ta entre e schoolnan di Enseñansa Basico categoria B-mucha homber y categoria B-mucha muher. Mientras cu pa schoolnan di Enseñansa Avansa, e competencia di Volleyball ta solamente pa mucha muher.
E deporte di Volleyball
Volleyball riba su mes como deporte ta hopi gusta entre hobennan na school y IDEFRE ta duna e importancia y toke special na esaki.
For di e resultado na final di e torneo escolar di Volleyball ta duna posibilidad na e school basico ganador den categoria B mucha homber e oportunidad pa representa Aruba na e competencia Interinsular cu ta tuma lugar e fin di siman di 12 pa 14 di maart 2010 na isla di Curacao.
Mientras cu e school basico ganador den categoria B-mucha muher ta clasifica pa e Olimpiada Escolar cu ta tuma lugar den luna di Juni 2010 na Aruba.
Pa loke ta trata e torneo di Volleyball pa schoolnan di Enseñansa Avansa, e competencia ta pa mucha muher y e school ganador ta haya oportunidad pa representa Aruba na e competencia Interinsular cu ta tuma lugar na isla di Boneire e fin di siman di 26 pa 28 di maart 2010.
Campeonnan di aña pasa
E torneo escolar di Volleyball di aña pasa tabata un exito grandi cu a conta cu participacion di hopi school. Den categoria B-mucha homber, e school basico ganador a resulta Cacique Macuarima School cu tin 3 aña consecutivo campeon. E reto pa e hobennan di Cacique Macuarima School ta grandi un biaha mas e aña aki pa purba retene e titulo di campeon pa nan school.
Den categoria B-mucha muher, e school basico ganador di aña pasa a resulta Colegio Sagrado Curason di Savaneta, cu ta bin sigur pa mantene e titulo pa nan school.
Mientras cu den e competencia entre schoolnan di enseñansa avansa, e mucha muhernan di Colegio Arubano a titula campeon aña pasa y ta bin pa keda cu e titulo.
Tur school ta cla pa e torneo di Volleyball escolar cu ta cuminsa despues di e siman di vakantie di october.
IDEFRE ta invita tur school, docente, alumno y tambe mayor pa bin apoya tur e hobennan cu ta bay representa nan school durante e torneo di Volleyball. Siman entrante IDEFRE ta publica e schedule y lugar na unda e weganan ta tuma lugar.
|
|
|
| Users' Comments |
|
Average user rating
 (0 vote)
|
|
Add your comment
|
.JPG)
