| on Wednesday, 07 October 2009
|
Published in : , Cycling |
ORANJESTAD -- Pa tur esnan cu ta preparando pa e comienso di e temporada di Mountain Bike, e Duo Extreme na Aruba y tambe esun di Corsow, ata e oportunidad pa bo bin mustra bo abilidad y test bo resistencia. Diadomingo awor 11 di oktober Comision di MTB di Araba Wieler Bond ta organisando un Mountainbike Tour cu un distancia di mas of menos 50 km.
E ruta pa e evento aki ta como lo siguiente:
Start: Tri-bike aruba, pasa den Santa Cruz, Jamanota, Sabana Basora rumbo single trail Savaneta, bira bai direccion Rooi Kochi sigui bai direccion Baranca di Yerbe. Sigui e single trail rumbo Rooi Master. Na Rooi Master subi caminda grandi di Brazil bai direccion rotonde. na e rotonde sigui rumbo vliegveld di avionnan miniatura. Aki sigui rumbo Vader Piet pa despues sigui riba caminda di Parke jega te na e centro di bishita di Parke Arikok.
* Na entreda di Parke tin oportunidad pa refill awa, tambe lo tin sandwich / bacoba y gatorade disponible pa e participantenan*
Despues e tour ta sigui direccion San Fuego, Shete. Na Shete ta bai rumbo Conchi, subi cero pa bai direccion di e caminda cu ta sali na Rancho Daimari. Sigui ruta cu ta sali na Andicuri y despues coi subida bai direccion Natural Bridge. Sigui riba caminda rumbo Ayo Rock formation. Sigui riba caminda direccion skol Kadushi Largo y depues bai bek rumbo Tri bike Finish.
E Tour aki lo start pa 7 or di mainta riba diadomingo. Ta pidi pa tur participante ta na tempo.
Inscripcion pa e Tour aki ta bai ta den e parking lot di WOK Away riba diasabra 10 di oktober pa 6:45 pm te 7:45 pm
Ta pidi un contribucion di AWG 10,= di cada participante pa por cubri e gastonan
Pa e Tour aki sierto nivel di condicion y abilidad tecnico ta nesesario. Zorg pa bo MTB ta den bon condicion y corda bin cu tools y sigur cu tube di spare.
|
|
|
| Users' Comments |
|
Average user rating
 (0 vote)
|
|
Add your comment
|
.jpg)
