| on Friday, 13 November 2009
|
Published in : , Cycling |
STA CRUZ -- Dia 22 di November 2009 lo tuma lugar e Duo-Xtreme MTB Aruba 2009, un competencia di Mountain Bike cu tin cu wordo (cuminsa y caba) cori den pareja y ta wordo organisa pa Tribal Cycling Club bow di auspicio di Aruba Wieler Bond. Coredornan lo por caba e careda nan so pero lo no wordo premia. Update cu Video di Press Conference!!!
Sin duda un careda hopi challenging cu den su turno lo ta hopi bon premia. Registration ta cuminsa 06:00 y careda lo start pa 07:00 di mainta na Arashi y lo termina na Arashi. Door cu Duo-Xtreme MTB Aruba 2009 ta un careda hopi intenso y technico, edad minimo pa participa lo ta 15 anja. Categorianan lo ta; Competitive, Sportive, Damas/Mix 60KM y Beginner 35KM. Inschrijving lo ta na Urataca Center dia 14 di November 2009 7:00 pm – 9:00 pm, prijs di inschrijving lo ta pa Comp. 70,-; Sport. 60,-; Damas/Mix 50,- y Beginner 30,-. Tin posibilidad pa schrijf in durante di siman te cu dia 20 di November. Pa motibo organisatorio no ta permiti pa schrijf in riba dia di careda. Descripcion di ruta: Parking lot di Arashi – Tierra del Sol – Boroncana – Sero Pela- Costa – Bushiribana Gold Mine – Wai Fat Supermarket Matividiri – man robes pa Ayo Rock Formation – Na cruzada di Ayo Rock Formation sigui straight- Santa Lucia man robes pa Andicuri caminda tin e borchi grandi-– na final di caminda na man drechi direccion Daimari – den bocht skerpi bira na man robes riba caminda di asphalt / tera pa Daimari – despues di 100 meter mas o menos drenta na man drechi den caminda di piedra direccion pa sero Arikok –subi Sero Arikok te mitar mas o menos – baha bek na e banda pariba riba e faha di beton – na pia di Sero Arikok tuma man robes direccion Dos Playa – cruza santo blanco di Dos Playa y subi e trapi – direccion Boca Prins – direccion cruzada Butucu / Garnado riba faha di beton – man drechi pasa door di e garnado – subi subida y calichi – na final di faha largo di beton coy man robes direccion Sabana Basora – circuit Sabana Basora tras di Santana – Rooi Taki tuma man drechi te final di caminda tuma man robes y subi caminda di tera pa cas di Mr. Coffy – dilanti cas Coffy tuma man robes pasa bou di mata di Watapana y subi circuit Highway to Hell – Masiduri Garden te na e trapi – tuma caminda di tera na man robes te na asphalt – bira man drechi riba caminda direccion San Fuego – pasa dilanti entrada di Parke Arikok – Coba Lodo – Santa Lucia – Ayo – Wai Fat Supermarket – Bushiribana – Arashi full na costa. Pa beginners nan lo cuminsa mescos pero ora pasa Bushiribana riba caminda di asphalt lo tuma un single trail na man drechi net despues di subida pa drenta e circuit di Sero Cristal – pasa tras di Ostrich Farm – direccion garnado – tuma man robes te na pia di Sero Cristal – tuma man drechi y subi Sero Cristal te na mitar – tuma single trail y baha te na costa – tuma man robes te na Arashi bek. Lo tin 3 ambulance riba ruta y 4 Waterpost cu bebida y fruta. Tambe lo tin suficiente boluntario riba ruta pa controla y guia e coredornan. Pa mas info contact nos na
This e-mail address is being protected from spam bots, you need JavaScript enabled to view it
of via telefon 594-2342
|
|
|
| Users' Comments |
|
Average user rating
 (0 vote)
|
|
Add your comment
|
.jpg)
