| 
Campeonato Nacional Liga Preparatorio di Baseball ABBA ta desea tur su Atletanan un Felis Aña 2010 PDF Print E-mail
Saturday, 02 January 2010
baseball 9650 (Custom) (2).JPG
STA CRUZ--Campeonato nacional di liga infantil di beisbol a conoce un tremendo comienso di campeonato 2010. Categorianan 11-12 aña, 13-14 aña y 15-16 aña a cuminsa desde September 2009 y categorianan 5-6 aña
, 7-8 aña y 9-10 aña desde oktober 2009. E ultimo tres categorianan aki lo sigui te cu juni/juli 2010.

Den preparacion di campeonato 2010 mayoria managers y coachnan a asisti n’un curso di e reglanan nobo (reglanan di 2010) di COPABE (Confederacion Panamericano de Beisbol). Esaki a yuda na un mihor interpretacion dije reglanan vigente cu ta wordo usa. Tambe organisacionnan a jega conhuntamente na reglanan domestico pa campeonato 2010. Aki den ta regla por ehempel transferencia di atleta di un organisacion pa otro, con pa atende ora un atleta hunga den otro torneo y si un organisacion/equipo kier organisa un torneo durante e campeonato nacional.

Den comienso di December 2009 a sali un pre-seleccion di categoria 11-12 aña rumbo Baranquilla, Colombia. Despues di e torneo aki lo traha un plan di training cu lo ta e preparacion pa Panamericano 2010 aki seis pa shete luna, e plan aki ta conta tambe pa e categorianan 7-8, 9-10 y 13-14.

Ta hopi importante pa e mayornan tene nan mes bezig cu e desaroo di e atleta y vooral e parti cu ta ensera e reglanan.

E aña aki nos lo ta bai stres hopi ripa nos regla domestico (Huishoudige regels).

Pa e ultimo añanan esaki tabata uno cu den e liga Preparatorio tabata wordu hopi viola y pesei mes nos kier mustra tur atleta y vooral e mayornan, cu ta practica e deporte aki, cu tin regla y nos mester tene nos mes na e reglanan aki, cu hopi biaha ta conta tanto local y international.

Nos ta hanja nos hopi biaha cu torneonan cu ta wordu organisa durante nos campionato nacional, Atletanan cu ta bula bai hunga afor, seleccionan cu ta wordu lanta y hopi mas. Tur esakinan sin permison di Liga Preparatorio y sin pone Liga Preparatorio nan altura.
Hopi biaha esaki tin su consecuensianan pa cu e atleta y vooral si ta un atleta di seleccion, pesei mayornan tene bon cuenta cu esaki.

Pa hanja un copia di e reglanan aki, bo por subi e webside di http://www.leaguelineup.com/abba  y  bo ta bai den “Handout” reglanan domestic.
Den Luna di January lo ta sacando e pre-seleccion di 11-12 y 13-14, pa asina fin di e mes un luna aki saka tambe e pre-seleccion di 9-10.
Campeonato 11-12, 13-14 y 15-16 lo sigui den luna di Januari (weekend 9 y 10 di Januari) y lo finalisa den luna di Februari. Nos ta spera cu mas fanatico lo asisiti n’e weganan pa apoyo nos peloteronan.

Nos no por laga afo e trabouw cu prensanan ta bin ta hasiendo pa nos pa e ultimo anjanan, wel e trabouw aki ta uno segur segur di apludi.
Mirando cu nos ta din fase di struturando, nos por bisa cu e miembronan di prensa a sa di compronde esaki y na mesun momento a sa di juda nos tambe.
Dus un palabra di agradicimento ta bai engrandi pa nan.
Sin prensa no tin deporte.

Comicion Liga Preparatorio di Baseball ABBA hunto cu ABBA, ta desea tur atletanan, Coachnan y Managernan, tambe tur presidentnan di organisacion sin laga afor e mayornan di nos atletanan.

UN FELIS AÑA 2010.
Cu todopodereoso por lumina su rayo di felisidad den hogar di cada uno di nos miembronan y nan familia.
Laga e rayo positive sigi lumina e mente positifonan.
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event