| on Friday, 29 January 2010
|
Published in : , Basketball |
ORANJESTAD - Despues cu “Liga di Basketball Arubano” a buska tur manera pa sinta na mesa cu Aruba Basketball Bond sin a logra esaki, LBA ta anuncia cu nan ta dal bai y organisa nan campeonato “Liga Superior” y “Liga Menor”. E dos liganan aki ta bin na luga di e tradicional A-Klas y B-Klas.
Pa e campeonatonan aki lo introduci un formato nobo cu lo ta mas competitivo y di mas nivel, ya cu kada organization lo por participa cu unicamente 1 team den e “Liga Superior”. Esaki lo trese cune cu e competencia den e “Liga Menor” tambe lo conta cu un bon participacion y posibelmente hasta mas hopi team cu e “Liga Superior”. Pues ta premira dos campeonato masha exitante.
Pero esaki no ta tur. Pa e organization por participa e mester garantisa cu pa aña 2010 e tin un team den tur competencia di mini. Den e “Liga Superior” lo por participa un maximo di 6 organisacion. Cu otro palabra si un organization tin mas di un team, 1 so lo por participa den e “Liga Superior” y e otronan den e “Liga Menor”. Ya tin 4 organization cu a confirma nan participacion den e campeonato di LBA. Estrella, YMCA, RCA y Aruba Juniors.
Cu e formato aki LBA kier garantisa cu kada organization lo tin pa aña 2014 un team den kada categoria hubenil incluyendo division damas. E campeonato ta programa pa cuminsa dia 12 di maart 2010 unda cu e teamnan di “Liga Superior” lo hunga garantisa un minimo di 16 wega. Esaki ta un novedad pa basketball na Aruba mirando cu pa tradicion Aruba Basketball Bond su campeonatonan ta di dos buelta di cual e ultimo campeonato te hasta a hunga mitar buelta. Di e forma aki e nivel di basket hamas lo por mehora.
LBA lo duna gran publicidad na e weganan di e campeonato pa asina honra e hungadornan cu ta hasi nan esfuerso pa duna un bon prestacion.
|
|
|
| Users' Comments |
|
Average user rating
 (0 vote)
|
|
Add your comment
|
 (Custom).JPG)
