| on Wednesday, 03 February 2010
|
Published in : , Softball |
STA CRUZ--Softball Escolar a continua diaranson atardi riba veld di Noord Cura Cabay. E wega tabata importante pa motibo cu a defini clasificacion di e scolnan pa e wega di semi-final.
Pa 3:00 p.m. e wega entre St. Paulus School y Colegio St. Teresita a cuminsa. Esaki tabata un wega di hopi emocion y hopi careda cu finalmente e hobencitanan di Colegio St. Teresita ta logra gana. E score final a bira 13 pa 6 y e wega a conta cu 1 homerun di e hobencita Brenda Polanco. Conclusion di e poule aki ta pone cu Commandeur Pieter Boer School y Colegio St. Teresita ta bira e dos scol cu ta bay semi-final.
Tur wega regular di e torneo escolar di softball organisa pa IDEFRE ta tras di lomba y e scolnan cu a clasifica ta cla pa hunga e wega di semi-final cu ta tuma lugar awe diahuebs dia 4 di februari 2010 riba veld di Aruba Juniors.
E prome wega ta cuminsa pa 3:00 p.m. y ya caba IDEFRE ta anticipa un wega hopi emocionante entre e hobencitanan di Scol Basico Washington y Commandeur Pieter Boer School. E di dos wega ta cuminsa pa 4:00 p.m. den cual ta enfrenta otro Pius X School y Colegio St. Teresita, cu sigur ta bira otro wega di hopi hit y accion.
Diabierna dia 5 di februari 2010 ta tuma lugar e gran final di e torneo di softball escolar cu IDEFRE a organisa pa hobencitanan di Enseņansa Basico. E dos scol cu resulta ganador di e weganan di diahuebs atardi ta enfrenta otro pa mira cua scol ta titula campeon di e torneo di softball escolar.
IDEFRE ta haci un invitacion cordial na tur amante di e deporte di softball, na alumno di e scolnan, docente, mayor y fanatico pa bin presencia e weganan y duna apoyo na e hobencitanan den nan wega di semi-final y final cu ta tuma lugar riba veld di Aruba Juniors.
|
|
|
| Users' Comments |
|
Average user rating
 (0 vote)
|
|
Add your comment
|
.JPG "IMG_1200 (Custom).JPG")
.JPG)
.JPG)
.JPG)
.JPG)
