STA CRUZ --- Otro siman diamars dia 9 di Februari e conocida instructora di ZUMBA esta Rose-Ann Ruiz, ta bay tene un evento Carnavalesco di ZUMBA pa asina recauda fondo pa HAITI. Esaki ta bay ta un Zumbathon di dos ora cuminsando pa 6:30 p.m. te 8: 30 p.m. na Compleho Deportivo Frans Figaroa na Noord
Pa dos ora largo diferente instructornan di ZUMBA y Soca Dance lo entretene tur participante cu bailenan dinamico y sin lubida super Carnavalesco. Instructornan cu lo duna les e anochi aki ta bay ta Sharon Puy, Denise Krosendijk, Rose-Ann Ruiz, Dwayne Wever, Michelle Harms y Joe di Joe Fitness.
Loke lo hasi e evento aki unico riba su mes, ta cu e ta bay ta mane den un nightclub. Lusnan ta bay ta paga y lo tin light effects tur caminda incluyendo e stage.
Ademas di tin diferente doorprizes, ta bay tin diferente premio pa e ZUMBA Queen Aruba, ZUMBA Prins, ZUMBA Best Costume y ZUMBA Chica Pikante.
Pa e titulo di Zumba Queen Aruba, cada skol di ZUMBA na Aruba presente lo tin un representante cu lo participa pa e titulo maximo aki. Arubazumba Fitness bou guia di Rose-Ann lo wordo representa pa Srta. Jilyann Bisslik, pa Rumbalicious ta bay Srta. Marjorie Geerman, pa Joe Fitness Sra. Trina Lacle, pa Super Fit Sra. Stacy Ramirez pa ZUMBA Yara Savaneta Sra. Juliette Ponson y pa Healthy Living Club lo bay Elizabeth Vargas. Pues 6 reina compitiendo pa e titulo maximo durante e dos oranan di e ZUMBA work-out.
Maske e ta un actividad deportivo Carnavalesco, no ta obligatorio pa bo bin disfrasa, pero sigur lo hasi e ambiente mas great y ademas bo por participa pa gana premionan super atractivo si bo gana “Best-Dressed”. Si bo ta bin disfrasa, corda bin cu un panja suficientemente comodo pa bo por baila den dje y tambe bon keds.
No por keda sin menshona cu e evento aki sigur no tawata posibel sin ayudo di e main sponsornan kende ta Vitamin Water (Visser Trading), Nature Valley (Consales) y S.A.L.S.A. Un danki tambe ta bay na Divi Divi Resort, Aruba Aloe y Manrique Capriles kende a sponsor gift certificates super atractivo pa e anochi aki. Un danki grandi ta bay na nan tur cu ta contribui na salud y bienestar di nos comunidad.
Pues bin bo tambe celebra carnaval en grande y kima e ultimo calorianan prome cu parada. Tickets ta obtenibel na Compleho Deportivo Frans Figaroa dia di evento pa solamente Afl.15. Si bo kier cumpra tickets adelata bo por na 5931454 pa mas informacion of manda un e-mail na
This e-mail address is being protected from spam bots, you need JavaScript enabled to view it
|
|
|
| Users' Comments |
|
Average user rating
 (0 vote)
|
|
Add your comment
|
