SportsAruba.com - Aruba Sports News Provider - Maurice Escalona ta anota dos gol pa duna Bubali otro victoria!!!

Maurice Escalona ta anota dos gol pa duna Bubali otro victoria!!!

on Saturday, 06 February 2010

Published in : , Futbol

STA CRUZ --- Diahuebs anochi Bubali a topa cu ekipo di Brazil Jrs. den Compleho Deportivo Frans Figaroa y un biaha mas cu e fanaticadanan di Bubali a trese ambiente di stadion. Bubali a habri anja perdiendo contra Britannia den Copa Betico Croes, pero ta recupera liher di e derota aki.
Den segundo partido pa e Campeonato di AVB Bubali ta domina y ta gana Brazil Jrs. cu score di 3-1 y Bubali ta habri anotacion na di 25 minuut por medio di Ricson Tromp. Brazil jrs ta empata e partido por medio di un bonita freekick Khasheef Hutchinson y ambos ekipo ta bai descansa cu score di 1-1. Den segundo tempo ta delantero Maurice Escalona ta haci e diferencia anotando dos gol pa Bubali na 62 y 71 minuut pa bubali bai cu e victoria. Durante e partido Refree Principal Frans Dijkhoff mester a saca 5 kaarchi geel y tres corra pa mantene control ariba e partido. Pa Bubali dos cora y 3 Geel, Geel pa no: 8 Ericson Tromp na di 40 min, pa de Lecca na di 46 min y 60 min, ta bira corra y Bubali ta keda cu 10 hungador. Na di 50 min, ta no:2 Stanley Boekhoudt ta ricibi corra direct y asina Bubali ta keda awor cu 9 hungador.Pa Braziljrs 2 geel un corra, geel pa no: 7 Freddy Rodriquez na di 27 min y pa no:13 Khacheef Hutchingson na di 55 min, corra pa no: 9 Carlos Croes na di 84 min. Refree principal Frans Dijkhoff asisti pa Oshi Kock y Carlos Romney na mesa Vito Ridderstaat.