| on Monday, 08 February 2010
|
Published in : , Softball |
STA CRUZ --- IDEFRE a finalisa cu e torneo escolar di softball categoria B-mucha muher. E ultimo wega a tuma lugar pa mira cua scol ta titula campeon. Esaki a resulta den un wega hopi emocionante entre Colegio St. Teresita di San Nicolaas y Scol Basico Washington di Noord.
Veld di Aruba Juniors ta unda e wega a tuma lugar y a conta cu presencia di mayor y fanatico di e hobencitanan di cada scol. Scol Basico Washington a clasifica despues di a gana den e wega di semi final contra di Commandeur Pieter Boer School, mientras cu Colegio St. Teresita a sigura su participacion den e wega pa campeon, ganando di Pius X School.
E wega final a cuminsa cu e hobencitanan di Colegio St. Teresita poco friew den bateo pero ta logra score toch den e prome inningnan. Scol Basico Washington ta reacciona den bom di cada inning y ta mantene e score hopi cera. E wega a bay 6 inning completo y tabata un wega di hopi tension y emocion for di comienso te na final.
E ultimo inning ta habri cu e wega empata na 5 careda. Den e inning aki e bat di e hobencitanan di Colegio St. Teresita ta los y nan ta logra bati hit tras di hit pa score en total 4 careda. E inning ta cera pa nan cu e score di 9 pa 5. Pero aki ta unda cu e emocion di wega ta start y e hobencitanan di Scol Basico Washington no kier duna e wega simplemente gana y ta bataya te na final. Despues di 2 out y riba hit y error, Scol Basico Washington ta logra score 3 careda y ta haci e wega 9 pa 8. Finalmente despues di basta tension, Colegio St. Teresita ta logra saca e ultimo out pa logra bira campeon di e torneo di softball escolar categoria B-mucha muher organisa pa IDEFRE. E scolnan lo mira accion un biaha mas den luna di mei y juni 2010 durante e Olimpiada Escolar.
IDEFRE ta continua cu deporte escolar cu e siguiente torneo di softball pa scolnan di Enseņansa Avansa. Esaki ta inicia dia 22 di februari 2010 pa tanto mucha muher como mucha homber. E scol avansa ganador di softball pa mucha homber lo representa Aruba na e Weganan Interinsular cu ta tuma lugar na Boneiro di 26 pa 28 di maart 2010. Mientras cu e scol avansa ganador di softball pa mucha muher ta pasa pa hunga den e Olimpiada Escolar 2010.
|
|
|
| Users' Comments |
|
Average user rating
 (0 vote)
|
|
Add your comment
|
