| on Friday, 19 February 2010
|
Published in : , Futbol |
STA CRUZ --- Diadomingo awor 21 di februari Estrella di Santa Cruz lo midi forsa cu e orguyonan di Noord Bubali pa 7 or di anochi den Compleho deportivo Frans Figaroa na Noord. Estrella despues di a gana 3 wega consecutivo y sali di e sotano lo mester enfrenta un Bubali cu ta luchando den e grandinan cu 19 punto y cu ta bin pa un revancha ya cu nan a perde contra Estrella den e promer round 2-0.
Estrella a reforsa su mes ultimo cu e ruman chikito di Bruno esta Alex Conceicao y tambe Gleison di Brazil. Den e ultimo dos weganan Estrella a sa di hinka e gol di victorianan den e ultimo minutnan di wega. Tur e higlights y video di e golnan di wega bo por mire riba e website di Estrella cu ta www.svestrella.com, y tambe bo por bira miembro di nan fan page riba facebook.
Bubali lo bin a la carga cu nan fanaticonan hunto cu ambiente di brasband y Estrella no ta keda atras cu varios sopresa pa e dia aki. Un tabla lo bula y e fanaticonan lo goza di un wega hopi emocionante ya cu Bubali ta conosi pa su wega ofensivo y Estrella tin su forsa den medio campo, pero awor cu un forsa extra dilanti.
Ta pidi tur fanatico pa saka nan bandera , blaas , sticker etc oranjo pa corre cu nan diadomingo awor pa nos por bay den un caravana pa Noord y asina apoya e hungadornan di e team oranjo.
Bini uno bini tur paso Estrella a sende su motor!
|
|
|
| Users' Comments |
|
Average user rating
 (0 vote)
|
|
Add your comment
|
.jpg)
