| on Wednesday, 24 February 2010
|
Published in : , Baseball |
STA CRUZ --- Indians ta gana e prome wega dje final, best out of five, den categoria Infantil AA, edad 11-12 aña, cu score di 7 pa 5. Steven Mendez t’e pelotero cu a bati oportuno, tres hit, pa empuha e caredanan di gana pa Indians. Un prome wega cu hopi tension pa un comienso d’un final cu mustra di bira spectacular. Anthony Lacle ta habri bom di prome inning c’un doblete y despues ta anota e prome careda riba un fly di sacrificio pa center field di Gillian Wernet.
Den bom dje segundo entrada Indians ta piki dos careda mas riba hit di Steven Mendez y Gillian Wernet pa empuha respectivamente Randal Murray y Anthony Lacle. Mesora den comienso di tercer inning Athletics ta duna señal di bida y ta anota dos careda riba un mal di catcher Jhon Alvarez.
Den di cinco inning Athletics ta anota tres careda mas despues cu Indians a score dos den inning number cuater. E tres caredanan pa empata e wega na cinco ta danki na hitnan fuerte di Naudy Flanegin y Anthony Figaroa.
Di biaha den inning number cinco Insians ta bai ariba cu hit di Steven Mendez cu tambe tabata responsabel p’e careda den e inning anterior. Despues di a anota un careda mas den inning seis, Indians no a permiti Athletics pa score mas.
Pitcher ganador a resulta di ta Gillian Wernet, kende a wordo releva door di Anthony Lacle den inning number cinco. Mihor batadornan pa Indians ta Anthony Lacle 3-1, Steven Mendez 4-3, Gillian Wernet 1-1 y Jaydwick Tromp 3-1.
Pa Athletics Vaughn Bergen ta carga e derota despues di a releva Naudy Flanegin. E mihor bateadornan ta Naudy Flanegin 2-1, Anthony Figaroa 2-1 y Andrew Croes 3-1.
E di dos wega dje final lo ta diahuebs 25 di februari venidero na tereno di Flatstone pa 5’or di atardi. Den nomber di comocion liga preparatorio infantil di beisbol, tur fanatico ta wordo invita pa mira bon beisbol di nos muchanan. Tambe nos ta desea ambos equipo hopi exito.
|
|
|
| Users' Comments |
|
Average user rating
 (0 vote)
|
|
Add your comment
|
![Copy of screenshot1[1] - Copy (2).jpg](http://www.sportsaruba.com/images/stories/noticia/2007/2008/07/Copy of screenshot1[1] - Copy (2).jpg)
