| on Thursday, 25 February 2010
|
Published in : , Baseball |
STA CRUZ --- Diamars ultimo riba veld di Centro di Bario Noord, e equipo di Indians a empata e series, di best out of five, na dos y ta forsa asina un di cinco wega. E lanzador Rocky Donker a silencia e bateria di Athletics por completo. Den e prome wega di diabierna 18 di februari ultimo tambe e mesun lanzador a domina e muchanan di Athletics den e categoria Hubenil A,
13-14 aña. Asina Indians cu tabata lomba contra muraya a sali fuerte cu su flechanan.
Den prome inning Gerson Croes ta habri cu doblete pa left field y despues ta anota riba un roletaso pa short stop di Eugene Helder. Den entrada number dos Ryan Huntington, kende ta subi base riba eror di short stop Emon Webb, ta score di dos careda riba hit pa left field di Chris Croes. E tercer careda ta wordo anota pa Eugene Helder kende ta subi base cu un doblete pa right center, ta avansa riba un fielder’s choice y ta score riba un pasball cu ta bai lag’e catcher.
Den e mesun tercer inning Athletics ta score su prome y unico careda dje wega. Kevin Simileer ta jega primera despues di dos out cu base por bola, ta avansa pa segunda riba hit di Ryan Oduber y ta score riba hit pa left field di Emon Webb.
Despues di dos out den inning cinco Jeandrick Oduber ta dal un doblete pa center field y ta jega na score careda number cuater riba eror di center fielder Kevin Simileer. E di cinco, seis y shete careda Indians ta anota den inning number seis.
Den e mesun inning number seis, Athletics ta menasa pero tercera base Jeandrick Oduber ta captura un liña fuerte bati pa Jair Solano y ta completa un double play door di saca Emon Webb out na tercera. Asina Indians ta gana Athletics cu score di 7 pa 1.
Pitcher ganador a resulta di ta Rocky Donker, kende a wordo releva door di Anton Bruin den inning number seis. Mihor batadornan pa Indians ta Gerson Croes di 4-2, Eugene Helder 3-1, Jeandrick Oduber 4-3 y Chris Croes 2-2.
Pa Athletics Ryan Oduber a carga e derota y e mihor bateadornan ta Kevin Simileer 2-1, Ryan Oduber 3-2, Emon Webb 2-1 y Jordy Solano 3-1.
E wega final lo ta diahuebs 25 di februari venidero na tereno di Flatstone pa 7.30 di anochi. Aki managernan Eugene Helder di Indians y Manuel Camara di Athletics lo usa tur strategia pa titular campeon. Den nomber di comocion liga preparatorio infantil di beisbol, tur fanatico ta wordo invita pa mira un nivel halto di beisbol di nos muchanan. Tambe nos ta desea ambos equipo hopi exito.
|
|
|
| Users' Comments |
|
Average user rating
 (0 vote)
|
|
Add your comment
|
![Copy of screenshot1[1] - Copy (2).jpg](http://www.sportsaruba.com/images/stories/noticia/2007/2008/07/Copy of screenshot1[1] - Copy (2).jpg)
