| on Thursday, 04 March 2010
|
Published in : , Futbol |
STA CRUZ --- Pa medio di e comunicado aki, Directiva di A.S.V. Riverplate kier a hasi un jamada y alaves invita tur su miembronan activo y no activo, mayornan di miembronan menor di edad, pa ta presente na Riverplate su reunion general segun statuut pa anja 2010.
cual lo tuma luga dia 2 di April 2010 pa 7or. di anochi na Club di A.S.V. Riverplate. Si no tin corum, lo sera e reunion y habri e reunion bek pa 7or.30min.
Pues directiva kier pa tur hende tuma bon nota di esaki, pasobra sin voluntario disponibel nos no lo por jega niun caminda.
Puntonan di agenda ta: 1. Partisipashon
2. Relato di Secretario
3. Relato di Tesorero
4. Aprobashon relato(nan)
5. Votashon pa Presidente y directiva 2010/2011
6. Palabra liber / Clasura
Durante e reunion aki lo mester forma un directiva nobo pa e temporada 2010/2011, tambe ta e deseo di mas grandi pa forma diferente commishon pa traha na bienestar di tur nos muchanan cu ta miembro di e Club.
Tur persona cu ta desea di traha of duna un man na e Club di futbol di mas grandi di Playa Pabao, por postula nan mes, sea como Presidente, Secretario, Tesorero of Comisario, pa asina por forma un directiva completo y forma un of mas commishon nan cu mester wordo lanta pa traha ariba diferente idea y projectonan cu semper tin den mente, pa mas informashon y pa postula bo mes, por entrega un solicitud por escrito for di awe en adelante, por hasi entrega di bo carta serca sr. John Henriquez, secretario di A.S.V. Riverplate, pa contacto por jama na 5948074.
Nos ta conta cu boso precencia, pa tur hunto sigui traha na bienestar di Club A.S.V. Riverplate. Ban uni nos esfuerzo na bienestar di Playa Pabao en general y nos hubentud en particular.
|
|
|
| Users' Comments |
|
Average user rating
 (0 vote)
|
|
Add your comment
|
 (Custom).JPG)
